2 கோடி பேர் பயன்படுத்தும் வே2எஸ்.எம்.எஸ்.

தங்கள் தளத்தில் பதிவு செய்துள்ள வாடிக்கையாளர் களிடமிருந்து பெறும் எஸ்.எம்.எஸ். செய்திகளை, அவர்கள் குறிப்பிடும் மொபைல் போன்களுக்கு கட்டணம் எதுவுமின்றி அனுப்பும் சேவையை வே2எஸ்.எம்.எஸ் (Way2SMS.com) இணைய தளம் செய்து வருகிறது. இது ஓர் இந்திய இணைய சேவைத்தளமாகும். ஒரு மொபைல் போனில் சேமித்து வைப்பது போல, தொடர்பு கொள்ளும் நபர்கள், மொபைல் எண்கள், எஸ்.எம்.எஸ். செய்திகளை நமக்கென இந்த தளம் சேமித்து வைத்துத் தருகிறது. தற்போது இதன் வாடிக்கையாளர்களின் எண்ணிக்கை 2 கோடியைத் தாண்டி விட்டதாக அறிவிக்கப்பட்டுள்ளது. ஏறத்தாழ 36.5 கோடி மொபைல் எண்களை, இந்த தளம் கையாள்கிறது. ஒவ்வொரு மாதமும் 5.5 கோடி மொபைல் போன் எண்கள் இந்த தளத்தில் சேர்க்கப்பட்டு வருகின்றன. ஒவ்வொரு மாதமும் 7 லட்சம் புதிய வாடிக்கையாளர்கள் இதில் இணை கின்றனர். இந்த தளத்தைத் தினந்தோறும் 30 நாடுகளில் உள்ள இதன் வாடிக்கையாளர்கள் பயன்படுத்தி வருகின்றனர்.
இந்த தளம் மூலம் எஸ்.எம்.எஸ். செய்திகளை அனுப்புவது மட்டுமின்றி, நம் மொபைலுக்கு நினைவூட்டும் செய்திகளை அனுப்பும் வகையில் செட் செய்திடலாம். பிறந்தநாள், மண நாள் வாழ்த்துக்களைக் குறிப்பிட்டவர்களின் மொபைல் போனுக்கு, குறிபிட்ட நாளில் அனுப்பும் வகையில் அமைத்து வைக்கலாம். இந்த தளத்தின் வாடிக்கையாளர்கள் பெரும்பாலும் 18 வயது முதல் 30 வயதுக்குள்ளவர்களாக உள்ளனர். பல அரசு அலுவலகங்கள், மருத்துவமனைகள், பள்ளிகள், காவல்துறை அலுவலகங்கள் ஆகியனவும் இந்த வசதியைப் பயன்படுத்தி வருவதாக, இந்த தளத்தின் தலைமை நிர்வாகி ராஜு தெரிவித்துள்ளார்.
நீங்கள் இந்த தள சேவையைப் பயன்படுத்த விரும்பினால், செல்ல வேண்டிய இணைய தள முகவரி www.way2sms.com

நண்பர்களே ! தாங்கள் இந்த தளத்தில் பார்வையிட்டதற்கான தடத்தை விட்டுசெல்லுங்கள் கமெண்ட்ஸ்(comments)மூலமாக!.

Read More

கூடுதலாகக் கிடைக்கும் ஜிமெயில் வசதிகள்

கூகுள் குழுமத்திலிருந்து வந்ததனால் மட்டுமே, ஜிமெயில் அதிக வசதிகளைக் கொண்டிருப் பதில்லை. ஜிமெயில் இயக்கத்திற்கு தனியாகச் செயல்படும் புரோகிராமர்கள் பலரும், பல வசதிகளைத் தரும் புரோகிராம்களைத் தந்துள்ளனர். இவற்றை எந்தக் கட்டணமும் இன்றி நாம் பெற முடியும். மெயில் செட்டிங்ஸ் பிரிவில் லேப்ஸ் தளத்தில் இவற்றை இயக்க செட் செய்திட முடியும். இதன் மூலம் நம் ஜிமெயில் பயன்பாட்டினை, நம் விருப்பப்படி அமைக்க முடியும். அத்தகைய சில வசதிகளை இங்கு காணலாம்.

1. ஆயத்த பதில்கள் (Canned Responses): இதனைப் படிக்கையில், ஏதோ நாம் விடுமுறையில் ஊருக்குச் செல்கையில், அல்லது மின்னஞ்சல் பார்க்க இயலாத நாட்களில், நமக்கு வரும் அஞ்சல் களுக்கான பதில்களைத் தானாக அனுப்பும் வசதி போல் தெரியும். இது அதுமட்டுமல்ல; வழக்கமாக நாம் அனுப்ப வேண்டிய பதில்களை அல்லது வாடிக்கையாளர்களுக்கான செய்திகளை ஆயத்தமாகத் தேவைப்படும்போது அனுப்ப தயாரித்து வைக்கலாம்.

2. நிகழ்வுகள் நாட்காட்டி(Google Calendar Widget): இது ஒரு டெம்ப்ளேட் இணைப்பது போல. நமக்கு நாமே எழுதி வைக்கும் நினைவூட்டல் கட்டம். இதில் நாம் மேற்கொள்ள வேண்டிய நிகழ்வுகளை எழுதி அமைக்கலாம். இதனை கூகுள் காலண்டர் வசதி என்றும் அழைக்கலாம். இது ஜிமெயில் தளத்தின் இடதுபக்கத்தில் ஒரு கட்டமாக அமைக்கப்படும்.

3. கூகுள் முன் நினைவூட்டி (Google Docs Widget): உங்கள் நண்பர்கள் அல்லது தலைமை நிர்வாகியிடமிருந்து, உங்கள் கவனத்திற்கு கூகுள் டாக்ஸ் அனுப்பப் பட்டால், உங்கள் ஜிமெயில் தளத்தில், அதன் முன் தோற்றக் காட்சி ஒன்று காட்டப்படும். இதனால், நீங்கள் நேரங்கடந்து இதனைக் காணும் சூழ்நிலை தவிர்க்கப்படும்.

4. அஞ்சலில் இடம் காட்டும் மேப் (Google Maps preview): உங்கள் இமெயில் முகவரி ஏட்டில் உள்ள முகவரிகளுக்கான ஊர்கள் சார்ந்த சிறிய மேப் ஒன்று காட்டப்படும்.

5. படங்களை இணைக்க (Inserting Images): இந்த வசதி குறித்து சென்ற வாரம் கம்ப்யூட்டர் மலரில் ஒரு குறிப்பு தரப்பட்டது. அஞ்சல் செய்தியிலேயே போட்டோ மற்றும் படங்களை இடைச் செருகலாக அமைப்பது. இதன் மூலம் அந்த படங்களுக்கான குறிப்புகளையும் நாம் இணைக்கலாம். மற்றபடி நாம் படங்களை இணைப்பாகத்தான் அமைக்க முடியும்.

6. படித்ததாகக் குறித்துக் கொள் (Mark as Read message): நமக்கு வரும் அஞ்சல் செய்திகள் அனைத்தையும் படித்துக் கொண்டிருக்க முடியாது. சிலவற்றைத் திறந்து படிக்கும் எண்ணமும் நமக்கு இருக்காது. திறக்காத அஞ்சல்கள், படிக் காதவையாகத் தோற்றமளிக்கும். எனவே, இவற்றைப் படிக்காமலேயே, படித்ததாகக் குறித்துக் கொள்ளும் வசதியை இது தருகிறது.

7. அஞ்சல் முன் தோற்றம் (Message Sneak Peek): இந்த வசதி குறித்தும் சென்ற வாரம் எழுதப்பட்டது. மின்னஞ்சல் செய்தி யினைத் திறக்காமலேயே, அதில் உள்ளதைக் காட்டும் வசதி இது. இதிலிருந்து என்ன செய்தி உள்ளது என்பதனை நாம் அதனைத் திறக்காமலேயே உணர முடியும்.

8. மவுஸ் வழி உலா (Mouse Gestures): மவுஸைப் பிடித்தவாறே, அதனை அசைத்து, மின்னஞ்சல் பட்டியலில் செல்லும் வசதி இது. ரைட் கிளிக் செய்தவாறே, இடது பக்கம் மவுஸை நகர்த்தினால், முந்தைய மின்னஞ்சலுக்குச் செல்வீர்கள். வலது பக்கம் நகர்த்தினால், அடுத்த அஞ்சலுக்குச் செல்லலாம். மேலே நகர்த்தினால், இன்பாக்ஸ் செல்லலாம். இப்படியே பல நகர்த்தல்களை மேற்கொள்ளலாம்.

9. அனுப்பியவரின் நேரங்காட்டி (Sender’s Time Zone): மின்னஞ்சல் மூலம் நாம் பன்னாட்டளவில் உள்ள நண்பர்களுடன் தொடர்பு கொள்ள முடிகிறது. அஞ்சலைப் பார்த்தவுடன் அவருடன் பேசலாம் என்று தோன்றுகிறதா? அந்த நேரத்தில், அவர் நாட்டில், அவர் ஊரில் என்ன நேரம்? தூங்கும் நேரமா? என்ற கேள்விகளுக்கு இந்த வசதி பதிலளிக்கிறது.

10. அனுப்பியதை நிறுத்து (Undo Send): அஞ்சல் ஒன்றை அனுப்பியவுடன், அடடா, அனுப்பியிருக்கக் கூடாதே என்று எண்ணுகிறீர்களா? சில நொடிகள் எனில், அது அனுப்பப் படுவதை நிறுத்த, இந்த வசதியைப் பயன் படுத்தலாம்.

நண்பர்களே ! தாங்கள் இந்த தளத்தில் பார்வையிட்டதற்கான தடத்தை விட்டுசெல்லுங்கள் கமெண்ட்ஸ்(comments)மூலமாக!.

Read More

கூகுள் டிக்ஷனரி மூடப்பட்டுவிட்டது

கூகுள் நிறுவனம் தான் இதுவரை வடிவமைத்துப் பராமரித்து வந்த கூகுள் டிக்ஷனரி தளத்தை மூடிவிட்டது. 2009 ஆம் ஆண்டில், கூகுள் நிறுவனம் தன்னுடைய டிக்ஷனரி ஒன்றைத் தன் சர்வரில் நிறுவியது. http://www.google. com/dictionary என்ற முகவரியில் இயங்கிய அந்த டிக்ஷனரி தளம் பலருக்குப் பிடித்துப் போயிற்று. இதன் சிறப்பான சில விசேஷ வசதிகள் நன்றாகவே இருந்தன. சொற்களுக்கு ஸ்டார் அமைத்து, பின் ஒரு நாளில் எளிதாக எடுத்துப் பார்க்கும் வண்ணம் அமைக்கப்பட்டது பலருக்குப் பிடித்துப் போயிற்று.
இந்த தளம், தற்போது ஆகஸ்ட் 5 முதல் மூடப்பட்டுவிட்டது. மூடப்படுவதற்கான அறிவிப்பைக் கேட்டவுடன், பலர் இது குறித்து கேள்விகளை எழுப்பினார்கள். ஒருவர், முதல் முறையாக நான் கூகுள் நிறுவனத்தை வெறுக் கிறேன் என்று எழுதினார். கூகுளின் டிக்ஷனரி இருந்த தளத்திற்குச் சென்றால் (மேலே முகவரி தரப்பட்டுள்ளது) தளம் மூடப்பட்டதற்கான அறிவிப்பு தரப்பட்டுள்ளது. கூடுதல் விளக்க மும் கிடைக்கிறது. அதனைப் பார்க்கலாம்.
"கூகுள் தேடுதல் தளத்தில், நாங்கள் புதியதாக டிக்ஷனரி சாதனம் ஒன்றைப் பொறுத்தியுள்ளோம். இதன் மூலம் ஒரு சொல்லின் விளக்கத்தினைப் பெறலாம். இது கூகுள் டிக்ஷனரி தளம் தரும் அதே வசதியைத் தருவதால், கூகுள் டிக்ஷனரி தளத்தை மூடியுள்ளோம்' என்று கூகுள் அறிவித்துள்ளது.
சொற்களின் விளக்கம் பெற, சர்ச் பாக்ஸில் நேரடியாக அந்த சொல்லை டைப் செய்திடலாம். ரிசல்ட் பக்கத்தில் இடது பிரிவில் கிடைக்கும் டிக்ஷனரி டூலினைப் பயன்படுத்தி பொருள் பெறலாம். அல்லது நேரடியாக சர்ச் பாக்ஸில் define: என டைப் செய்து, பின் சொல்லை டைப் செய்து, பொருளைப் பெறலாம்.

நண்பர்களே ! தாங்கள் இந்த தளத்தில் பார்வையிட்டதற்கான தடத்தை விட்டுசெல்லுங்கள் கமெண்ட்ஸ்(comments)மூலமாக!.

Read More

இலவச ஆண்ட்டி வைரஸ் ஏ.வி.ஜி.2012

தனிப்பட்ட நபர்கள் தங்கள் கம்ப்யூட்டர்களில் பயன்படுத்த, இன்றும் மிகச் சிறந்த ஆண்ட்டி வைரஸ் புரோகிராம்களில் ஒன்றாக, ஏ.வி.ஜி. ஆண்ட்டி வைரஸ் உள்ளது. இதன் புதிய தொகுப்பான ஏ.வி.ஜி. 2012 அண்மையில் வெளியிடப் பட்டுள்ளது. கட்டணம் செலுத்தி வாங்கும் தொகுப்பில் உள்ள பெரும்பாலான வசதிகள், இலவச புரோகிராமில் இருப்பது இதன் சிறப்பாகும். ஆண்ட்டி வைரஸ், ஸ்பைவேர், ரூட்கிட்ஸ் மற்றும் ஸ்பேம் மெயில்களைத் தடுக்க என இந்த புரோகிராமில் தனித்தனி தொகுப்புகள் அடங்கியுள்ளன. இதில் லிங்க் ஸ்கேனர் (Link Scanner) என்று ஒரு கூடுதல் வசதி ஒன்று தரப்பட்டுள்ளது. இது தேடல் முடிவு களையும், இணைய தளங்களுக்கான லிங்க்குகளையும் சோதனை செய்கிறது. இது இந்த புரோகிராமில் மட்டுமே காணப்படும் தனிச் சிறப்பு வசதியாகும்.
2008 ஆம் ஆண்டு ஏ.வி.ஜி. ஆண்ட்டி வைரஸ் புரோகிராமின் செயலாக்கம் மிகவும் மெதுவாக இருந்ததாகப் பலர் குற்றம் சாட்டினார்கள். ஆனால், 2009 மற்றும் அடுத்து வந்த மேம்படுத்தப்பட்ட பதிப்பு களில் பல குறைகள் களையப் பட்டதுடன், நவீன தொழில் நுட்பத்தில் இயங்கும் பல வசதிகள் தரப்பட்டன. செயல்பாட்டினைப் பொறுத்தவரை, இன்று அவிரா மற்றும் அவாஸ்ட் ஆண்ட்டி வைரஸ் புரோகிராம் களுக்கு இணையாக இது கருதப்படுகிறது.
புதிய 2012 பதிப்பில், புரோகிராம் பைலின் அளவு 50% குறைக்கப் பட்டுள்ளது. இதனால் இணையத் திலிருந்து தரவிறக்கம் செய்வது வேகமாக நடை பெறுகிறது. இன்ஸ்டால் செய்வதும் வேகமாக மேற்கொள்ளப் படுகிறது. ஹார்ட் டிஸ்க்கில் இந்த புரோகிராம் எடுத்துக் கொள்ளும் இடமும் குறைக்கப் பட்டுள்ளது. ப்ராசசர் இயங்கும் அளவு மற்றும் நினைவகத்தின் இடமும் 20% குறைவாக உள்ளது.
இணையத்தில் உலாவுகையில் மட்டுமின்றி, ஆன்லைன் சேட் செய்திடும்போதும் வைரஸ், மால்வேர், வோர்ம்ஸ், ஆட்வேர் மற்றும் ஸ்பேம் ஆகியவற்றை எதிர்க்கிறது. எந்த நேரமும் இதற்கான உதவிகள் கிடைக்கின்றன. விண்டோஸ் எக்ஸ்பி உட்பட அனைத்து விண்டோஸ் ஆப்பரேட்டிங் சிஸ்டங்களிலும் இயங்குகிறது.
இதனை டவுண்லோட் செய்திட நீங்கள் செல்ல வேண்டிய இணைய தள முகவரி: http://avg.en.softonic.com/download

நண்பர்களே ! தாங்கள் இந்த தளத்தில் பார்வையிட்டதற்கான தடத்தை விட்டுசெல்லுங்கள் கமெண்ட்ஸ்(comments)மூலமாக!.

Read More

லேப்டாப் பிரியர்களின் தாகத்தை தணிக்க வந்த புதிய எச்பி லேப்டாப்!

நவீன தொழில்நுட்பத்துடன் வரும் லேப்டாப்புகளுக்கு வரவேற்பு தற்போது மிக அதிகம். அதற்காகவே வீடியோ கேம் வசதிகளோடும் க்ராபிக்ஸ் வசதிகளோடும் ஒவ்வொரு நாளும் புதிய புதிய லேப்டாப்புகள் வந்து கொண்டு இருக்கின்றன. எல்லா லேப்டாப் தயாரிப்பாளர்களும் இந்த தொழில் நுட்பங்களை மனதில் வைத்து அதற்கேற்ற முறையில் நவீனமான லேப்டாப்புகளை அறிமுகப்படுத்தி வருகின்றனர்.

அவற்றில் புதியதாக வந்திருப்பது எச்பி பெவிலியன் டிவி-6டி லேப்டாப்பாகும். குறிப்பாக லேப்டாப் பிரியர்களுக்காகவே இந்த லேப்டாப் உயர்ந்த தரத்தில் வந்திருக்கிறது. இந்த புதிய லேப்டாப் தரம் வாய்ந்த அலுமினிய தகடால் செய்யப்பட்டு கருப்பு வண்ணத்தில் மின்னுகிறது. இதன் பிரைட் வீயூவ் டிஸ்ப்ளே 15.6 இன்ச் அளவைக் கொண்டுள்ளது. இதன் ஓஎஸ் விண்டோஸ் 7 ஹோம் ப்ரீமியம் 64 பிட் ஆகும்.

இதன் ப்ராசஸர் 2ஜி இன்டல் கோர் 5 ப்ராசஸராகும். டர்போ பூஸ்ட் இதில் உள்ளதால் கம்புயூட்டிங்கில் எந்த பிரச்சினையும் இருக்காது. டர்போ பூஸ்ட் எந்த ஒரு சிக்கலான கணிதத்தையும் எளிதாக தீர்த்து வைக்கும். இதன் இன்டல் க்ராபிக்ஸ் 3000 இந்த லேப்டாப்பின் இன்னுமொரு சிறப்பம்சமாகும்.

வீடியோ கேம் மற்றும் கிராபிக்ஸ் வசதி இதில் அட்டகாசமாக உள்ளது. இதன் தகவல் சேமிப்பு வசதியைப் பார்த்தால் 8ஜிபி வரை 2டிஐஎம்எம் ஸ்டாட்ஸ் மூலம் சேமித்து வைக்கலாம். இதன் ஹார்ட் டைரவ் 5400 ஆர்பிஎம்முடன் 640ஜிபி கொண்டிருக்கிறது. டேட்டா மேனஜ்மென்ட்டுக்காக அதிவிரைவான 3.0 யுஎஸ்பி போர்ட்டுகளும் உள்ளன. மேலும் மல்டி மெமரி கார்டுகளுக்கான ஸ்லாட்டும் தனியாக உள்ளது.

எச்பி பெவிலியன் டிவி6டி லேப்டாப் பல புதிய தொழில் நுட்பங்களுடன் இருக்கிறது. கைரேகை அறியும் வசதி உள்ளதால் இந்த லேப்டாப்புக்கு பாதுகாப்பு வசதியும் அதிகமாக உள்ளது. ஆடியோ வசதியைப் பார்த்தால் இது 4 ஆடியோ ஸ்பீக்கர்களைக் கொண்டுள்ளது. இதன் மின்திறனைப் பார்த்தால் 6 செல் பேட்டரியுடன் 5.5 மணி நேரம் வரை இயங்கும் வலிமையைக் கொண்டுள்ளது. எச்பி பெவிலியன் டிவி6டி லேப்டாப் ரூ.34,552க்கு இந்தியாவில் கிடைக்கிறது.

நண்பர்களே ! தாங்கள் இந்த தளத்தில் பார்வையிட்டதற்கான தடத்தை விட்டுசெல்லுங்கள் கமெண்ட்ஸ்(comments)மூலமாக!.

Read More

கம்ப்யூட்டரை உங்களுடையதாக மாற்ற

கம்ப்யூட்டர் நம்முடையதுதான் என்றாலும், யூசர் நேம், அதற்கான படங்களில் மட்டுமே நம் பெயர், படங்கள் இடம் பெறுகின்றன. இவற்றுடன் இன்னும் சில இடங்களில் நம் பெயர்களை அமைத்து, கம்ப்யூட்டரில் நம் பெயரையும் படத்தையும் போட்டு, முழுமையான நம் கம்ப்யூட்டராக எப்படி மாற்றலாம் என்று பார்க்கலாம். இதனை விண்டோஸ் எக்ஸ்பிக்கு குறிப்புகளாகத் தருகிறேன்.

விண்டோஸ் சிஸ்டத்தில் சில மாற்றங்களை ஏற்படுத்தி, கம்ப்யூட்டரில் நீங்கள் விரும்பு வதனைப் பதிக்கலாம். முதலில் டெஸ்க்டாப்பில் உள்ள My Computer ஐகானில் கிளிக் செய்திடவும். கிடைக்கும் மெனுவில் Properties என்பதனைத் தேர்ந்தெடுக்கவும். இங்கு சிலரின் கம்ப்யூட்டர்களில், விண்டோஸ் லோகோ அருகே, கம்ப்யூட்ட ரைத் தயாரித்த நிறுவனத்தின் லோகோ கூட இருக்கலாம். அப்படியானால், நம் லோகோ அல்லது பெயர் எப்படி இணைப்பது?
1. முதலில் ஒரு படம் ஒன்று தயாரிக்கப்பட வேண்டும். மைக்ரோசாப்ட் பெயிண்ட் புரோகிராமினை இயக்கவும். இதற்கு Start, All Programs, Accessories, Paint எனச் செல்லவும்.
2. இங்கு நாம் அமைக்க இருக்கும் படம் அல்லது லோகோ 180x115 என்ற அளவிலான பிக்ஸெல்களில் மட்டுமே இருக்க வேண்டும் என்பதால், கான்வாஸ் எனப்படும் படத்தின் தன்மையை செட் செய்திட வேண்டும். இதற்கு Image மற்றும் Attributes தேர்ந்தெடுக்கவும். கிடைக்கும் பாக்ஸில், அளவு யூனிட்டாக Pixels என்பதனைத் தேர்ந்தெடுக்கவும். இதில் மேலே சொன்ன அளவினை அமைக்கவும். பின்னர் ஓகே கிளிக் செய்திடவும்.
3. டூல்பாரில் உள்ள டூல்களைப் பயன்படுத்தி, நீங்கள் விரும்பும் லோகோவினை அமைக்கவும். லோகோவின் பின்னணியினை அமைக்க Fill Tool பயன்படுத்தலாம். Text Tool பயன்படுத்தி, கலரில் டெக்ஸ்ட் அமைக்கலாம். மேலும் கிளிப் ஆர்ட் காலரியிலிருந்து ஏதேனும் நமக்குப் பிடித்த படத்தைத் தேர்ந்தெடுத்து அமைக்கலாம். உங்கள் எண்ணங்களுக்கேற்ற வகையில், படங்கள், போட்டோக்களை இணைத்து லோகோவினைத் தயார் செய்திடலாம்.
4. அடுத்து File மெனு கிளிக் செய்து அதில் Save As என்ற பிரிவினைத் தேர்ந்தெடுக்கவும். இனி கிடைக்கும் டயலாக் பாக்ஸில், சேவ் செய்ய வேண்டிய டைரக்டரியாக C:\Windows\System32 என்ற டைரக்டரியைத் தேர்ந்தெடுக்க வும். சேவ் செய்யப்படும் பைலின் பெயராக oemlogo.bmp என்று கொடுக்கவும். இப்போது லோகோ தயாராகி விட்டது. அடுத்து டெக்ஸ்ட் என்டர் செய்ய வேண்டும். இதற்கு நோட்பேட் பயன்படுத்தலாம்.
1. நோட்பேட் கிடைக்க Start, All Programs, Accessories, Notepad என்று செல்லவும். நோட்பேடில் கீழ்க்கண்டவாறு டைப் செய்திடவும்.

[General]
Manufacturer=(இங்கு எதனையும் கொடுக்கலாம்)
Model=
[Support Information]
Line1=This computer was devised by
Line2=Mr..............
Line3=Enjoy Using It
Line4=************
இங்கு சமன் (=)அடையாளத்தினை அடுத்து நீங்கள் எந்த தகவலையும் டைப் செய்திடலாம். இன்னும் அதிகமான வரிகளையும் இணைக்கலாம். ஆனால் அதே பார்மட்டில் இருக்க வேண்டும்.
2. இங்கு அனைத்தும் முடிந்தவுடன் File தேர்ந்தெடுத்து, அதில் Save As என்பதில் கிளிக் செய்து, கிடைக்கும் டயலாக் பாக்ஸில், மேலே குறிப்பிட்ட அதே டைரக்டரியின் (C:\Windows\System32) பெயரை டைப் செய்து, பைலை oeminfo.ini என்ற பெயரில் சேவ் செய்திடவும். இதில் கவனமாக, பைல் டைப் (File Type) என்பதில் டெக்ஸ்ட் டாகுமெண்ட் (Text Document) என்பதற்குப் பதிலாக All Files என இருக்கும்படி பார்த்துக் கொள்ளவும்.
மேலே சொன்ன அனைத்தையும் சரியானபடி நீங்கள் செய்துவிட்டால், அடுத்த முறை கம்ப்யூட்டரை ரீ ஸ்டார்ட் செய்து, பின்னர் சிஸ்டம் ப்ராப்பர்ட்டீஸ் பார்க்கையில், உங்களுடைய புதிய லோகோ மற்றும் தகவல்களைக் காணலாம். நம் செய்தியைக் காண Support Information என்பதில் கிளிக் செய்திட வேண்டும் என்பதனை மறக்க வேண்டாம்.
இன்னொரு இடத்திலும் உங்கள் பெயரை, அல்லது விரும்பும் லேபிளை அமைக்கலாம். அது ஸ்டார்ட் பட்டனாகும். அனைவரும் ஸ்டார்ட் பட்டனை எப்படியும் பார்த்து பயன்படுத்துவர் என்பதால், இதில் உங்கள் பெயர் அமைந்தால், இன்னும் நன்றாக இருக்கும்.
ஆனால், இங்கு இதற்கெனக் கிடைக்கும் புரோகிராம் ஒன்றைப் பயன்படுத்த வேண்டும். அந்த புரோகிராமின் பெயர் Start Button Renamer. கிடைக்கும் தள முகவரி: http://www.kellyskornerxp.com/regs_edits/ ProgFull.zip.
இங்கு இன்ஸ்டலேஷன் எதுவும் தேவை இல்லை. Start Btn என்று இருப்பதில் கிளிக் செய்தால் போதும். இனி ஸ்டார்ட் பட்டனில் என்ன சொல் அல்லது பெயர் இருக்க வேண்டுமோ, அதனை டைப் செய்திடவும். பின்னர் ஓகே கிளிக் செய்திடவும். உடனே உங்கள் ஸ்டார்ட் பட்டன் பெயர் நீங்கள் டைப் செய்திட்ட பெயராக இருப்பதனைக் காணலாம். ஒவ்வொரு முறை நீங்களோ, அல்லது மற்றவர்களோ, கம்ப்யூட்டரில் லாக் ஆன் செய்திடுகையில், இந்த ஸ்டார்ட் பட்டனில் உள்ள சொல்லை, மேற்படி புரோகிராம் மூலம் மாற்றிக் கொள்ளலாம். 

நண்பர்களே ! தாங்கள் இந்த தளத்தில் பார்வையிட்டதற்கான தடத்தை விட்டுசெல்லுங்கள் கமெண்ட்ஸ்(comments)மூலமாக!.

Read More

பயர்பாக்ஸ் 6

தன் பயர்பாக்ஸ் பிரவுசரில் பெரிய அளவில் மாற்றங்களுடன் பதிப்பு 6 னை, மொஸில்லா நிறுவனம் அண்மையில் அறிமுகப் படுத்தியுள்ளது. பயர்பாக்ஸ் பதிப்பு 5, சென்ற ஜூன் 21ல் வெளியானது. பின்னர், இரண்டு மாதங்களுக்குள்ளாக, இந்த புதிய பதிப்பு வெளியாகியுள்ளது.
ஒவ்வொரு 16 வாரங்களுக்கு ஒருமுறை புதிய பயர்பாக்ஸ் பிரவுசர் பதிப்பு வெளி யிடப்படும் என்ற தன் வாக்குறுதியினை, மொஸில்லா நிறுவனம் செயல்படுத்தி யுள்ளது. பயர்பாக்ஸ் 4, மார்ச் 22ல் வெளியானது. 12 வாரங்கள் கழித்து, பயர்பாக்ஸ் 5 ஜூன் 21ல் வெளியானது. ஆகஸ்ட் 16ல், எட்டு வாரங்கள் கழித்து, பயர்பாக்ஸ் 6 வெளியாகியுள்ளது.
இந்த பதிப்பில் மிக முக்கியமான மாற்றம் அட்ரஸ் பாரில், நாம் பார்க்கும் இணைய தளம் ஹைலைட் செய்யப்பட்டு காட்டப் படுவதுதான். அதாவது, இணையதளத்தின் முதன்மைப் பெயர் ஹைலைட் செய்யப் பட்டுக்காட்டப்படுகிறது. எடுத்துக்காட்டாக, http://www.mozilla.com/enUS/firefox/6.0 /releasenotes/ என்ற முகவரியில் உள்ள இணையதளம் காட்டப்படுகையில், www.mozilla.com என்ற பெயர் ஹைலைட் செய்யபப்டும். இதனால், சில பிரபலமான தளங்களைப் போல, அவற்றின் இணைய தள முகவரியில், ஒன்று அல்லது இரண்டு எழுத்துக்களைச் சேர்த்து போலியாகக் காட்டப்படும் தளங்களைச் சற்று எளிதாக அடையாளம் காண முடியும். நம்மைச் சிக்க வைத்திடும் தளங்களிலிருந்து தப்பிக்க முடியும். இந்த ஹைலைட்டிங் வசதி, இன்டர்நெட் எக்ஸ்புளோரர் பதிப்பு 8ல், 2009 ஆம் ஆண்டிலேயே அறிமுகப்படுத்தப் பட்டது உங்களுக்கு நினைவிருக்கலாம்.
இந்த பதிப்பில், பிரவுசர் கிராஷ் ஆவது அறவே தவிர்க்கும் வகையில் அனைத்து மேம்பாட்டு வழிகளும் அமைக்கப் பட்டுள்ளன. அதே போல, பாதுகாப்பு குறியீடுகளும் பலப்படுத்தப்பட்டுள்ளன.
முந்தைய பிரவுசர்களின் வேகத்தைக் காட்டிலும், இதன் வேகம் அதிகப்படுத்தப்பட்டுள்ளது. ஆனால், இன்டர்நெட் பிரவுசர் குறித்து ஆய்வு செய்திடும் அமைப்புகள், குரோம் மற்றும் இன்டர்நெட் எக்ஸ்பு ளோரர் 9, இதனைக் காட்டிலும் வேகமாக இயங்குவதாக அறிவித்துள்ளன.
ஒரு சிலர் இது புதிய பதிப்பே அல்ல. பழைய பதிப்பில் உள்ள குறைகளைக் களையும் சில நடவடிக்கைகளை எடுத்து அதனைப் புதிய பதிப்பு என்று மொஸில்லா கூறுவது, சென்ற பதிப்பு 5லேயே தொடங்கிவிட்டது. அது பதிப்பு 4.2 ஆகத்தான் இருந்திருக்க வேண்டும். ஆனால் பதிப்பு 5 ஆக அறிவிக்கப் பட்டது என்று குறை கூறுகின்றனர். அதே போலத்தான், பதிப்பு 6ல் உள்ளது என்று அறிவித்துள்ளனர்.
இருப்பினும் நீங்கள் பயர்பாக்ஸ் பதிப்பு 5 வைத்துப் பயன்படுத்திக் கொண்டிருந் தால், பதிப்பு 6க்குமாறிவிடவும். சரியான பாதுகாப்பற்ற பதிப்பு 5க்கான சப்போர்ட் இப்போது மொஸில்லாவால் வழங்கப் படுவதில்லை. அதன் பிரச்னைகளுக்குத் தீர்வான அம்சங்களுடன் தான் இப்போது பதிப்பு 6 கிடைத்துள்ளது. எனவே, பயர்பாக்ஸ் தான் நான் பயன்படுத்துவேன் என தீர்மானித்துள்ளவர்கள், பதிப்பு 6க்கு மாறிக் கொள்வது அவர்களுக்கும், அவர்களின் கம்ப்யூட்டருக்கும் நல்லது.
புதிய பதிப்பினை டவுண்லோட் செய்திட http://www.mozilla.com/enUS/firefox/new/ என்ற இணைய தள முகவரிக்குச் செல்லவும்.

நண்பர்களே ! தாங்கள் இந்த தளத்தில் பார்வையிட்டதற்கான தடத்தை விட்டுசெல்லுங்கள் கமெண்ட்ஸ்(comments)மூலமாக!.

Read More

ஸ்குரோல் பார் பயன்பாடு

எம்.எஸ். ஆபீஸ் தொகுப்பில் அனைத்து புரோகிராம்களையும் பயன்படுத்துகையில், நம் பைலில் மேலும் கீழுமாக எளிதாகச் செல்ல, வலது புறம் எல்லைக் கோட்டில் உள்ள கட்டம் நமக்கு உதவுகிறது. இதனை ஸ்குரோல் பார் (Scroll Bar) என அழைக்கிறோம். இந்த பட்டன் மீது மவுஸ் கர்சரை வைத்து அழுத்தி இழுப்பதன் மூலம் மேலும் கீழுமாக, நம் பைலில் செல்ல முடிகிறது. ஆனால், இந்த ஸ்குரோல் பார் நமக்கு இன்னும் சில விஷயங்களையும் காட்டு கிறது என்பது பலருக்கு ஆச்சரியமாக இருக்கலாம்.
ஸ்குரோல் பாரைப் பயன்படுத்தி, நம் பைல் உள்ளாக, சில வரையறை களுடன், கர்சரை வைத்துள்ள இடத்திலிருந்து நகரலாம்.
மேலாக, மேல் நோக்கி உள்ள சிறிய முக்கோணத்தில் கர்சரைக் கொண்டு சென்று கிளிக் செய்தால், ஒரு வரி மேலாகச் செல்லலாம்.
அந்த மேல் முக்கோண அடையாளத் திலிருந்து கீழாக ஸ்குரோல் பார் எலிவேட்டர் பட்டன் (Elevator Button) உள்ள இடம் வரையிலான இடத்தில் கிளிக் செய்தால், உங்கள் மானிட்டர் திரை அளவில், ஒரு திரைக் காட்சி மேலாகச் செல்லலாம்.
அடுத்து எலிவேட்டர் பட்டன் எனப்படும் முக்கிய கட்டத்தின் மீது கிளிக் செய்து பைல் முழுவதும் எங்கு வேண்டுமானாலும் செல்லலாம். அந்தச் சின்ன கட்டமானது, நீங்கள் பயன்படுத்தும் பைலில், எந்த அளவு உங்களுக்குத் திரையில் காட்டப் படுகிறது என்பதைக் காட்டுகிறது.
இந்த பட்டனிலிருந்து கீழாக உள்ள, கீழ் நோக்கிய முக்கோணம் வரையிலான இடத்தில் கிளிக் செய்தால், ஒரு திரை அளவு கீழே செல்லலாம்.

கீழாக, கீழ் நோக்கி உள்ள சிறிய முக்கோணத்தில் கர்சரைக் கொண்டு சென்று கிளிக் செய்தால், ஒரு வரி கீழாகச் செல்லலாம்.
எனவே, பைல் ஒன்றில் நாம் சென்று வர இந்த ஸ்குரோல் பட்டனை நாம் முழுமையாகப் பல வழிகளில் பயன்படுத்தலாம்.

நண்பர்களே ! தாங்கள் இந்த தளத்தில் பார்வையிட்டதற்கான தடத்தை விட்டுசெல்லுங்கள் கமெண்ட்ஸ்(comments)மூலமாக!.

Read More

இன்டர்நெட் போதை

சிகரெட், மது போல இன்டர்நெட்டும் ஒரு போதை என ஓர் ஆய்வு தெரிவிக்கிறது. ஒரு நாள் இன்டர்நெட் இணைப்பு இல்லாமல், அதனைப் பார்க்க முடியவில்லை என்றால், என்ன பதை பதைப்பு ஏற்படுகிறது. மெயில் பார்க்க முடியவில்லை, என் பேஸ்புக் நண்பர் களுடன் செய்தி பரிமாற முடியவில்லை என்று அத்தனை பேரும் பதற்றம் அடைகின்றனர். பித்துப் பிடித்தவர் போல மாறுகின்றனர். இங்கிலாந்தில் 18 முதல் 65 வயது வரை உள்ள ஆயிரம் பேரை இது குறித்து கருத்து கேட்ட போது, சிகரெட்டுக்கு எப்படி, அதனைப் பயன்படுத்துபவர்கள் அடிமையாகி றார்களோ, அதே போலத்தான் இன்டர் நெட்டுக்கும் என கருத்து தெரிவித்துள் ளனர். இன்டர்நெட் இணைப்பு இல்லை என்றால், ஒருவர், அது என் ஒரு கையை வெட்டியது போல இருக்கும் என்றார்.
இவர்களில் பெரும்பாலானவர்கள் பேஸ்புக், ட்விட்டர், மெயில் -- ஆகியன வற்றின் தொடர்பு கிடைக்காமல் போவதே இந்த மனநிலைக்குக் காரணம் என்று தெரிவித்துள்ளனர். இரவு படுக்கப் போகும்போது பேஸ்புக், ட்விட்டர் அப்டேட் செய்து படுக்கைக்குச் செல்வதைப் பழக்கமாகப் பலர் கொண்டு ள்ளனர். எனவே இது தடை படுகையில், தூக்கம் வராமல் தவிக்கின்றனர்.
ஆனால், இந்த கணக்கெடுப்பில் 21% பேர், இன்டர்நெட் இல்லை என்றால், ஆஹா! இன்று விடுதலை; சுதந்திரமாக இருப்பேன் என்றும் கருத்து தெரிவித்துள்ளனர்.

நண்பர்களே ! தாங்கள் இந்த தளத்தில் பார்வையிட்டதற்கான தடத்தை விட்டுசெல்லுங்கள் கமெண்ட்ஸ்(comments)மூலமாக!.

Read More

வெப் மெயில் பேக் அப்

மின்னஞ்சல் பயன்படுத்துபவர்களில் பெரும்பாலானவர்கள், இணைய தளங்களில் தரப்படும் மெயில் அக்கவுண்ட்களையே பயன்படுத்தி வருகின்றனர். Web based email என அழைக்கப் படும் இந்த வசதியை, அந்த தளங்களுக்குச் சென்றால் தான் பயன்படுத்த முடியும். இவை அனைத்துமே இலவசமாகவே கிடைக் கின்றன. எடுத்துக் காட்டாக, பிரபலமான ஜிமெயில், யாஹூ மெயில், ஹாட் மெயில் போன்றவற்றைக் கூறலாம். இந்த தளங்கள் தரும் இலவச அளவினை மீறுகையில், நம் முந்தைய மெயில்கள் அழிக்கப்படும். ஏன், இந்த வசதியினை இந்த தளங்கள் என்ன காரணத்தினாலோ, தருவதற்கு மறுத்தால், அல்லது அதன் சர்வர்கள் கெடுக்கப்பட்டால், நம் மின்னஞ்சல்கள் என்ன ஆகும்?
பெரும்பாலானவர்கள், நமக்குத் தேவையான முக்கிய தகவல்களை, இத்தகைய மின்னஞ்சல்களில் தான் வைத்துள்ளனர். அப்படியானால், இவற்றுக்கு பேக் அப் தான் எடுத்து வைத்துக் கொள்ள வேண்டும். இவற்றுக்கு எப்படி பேக் அப் எடுப்பது என்ற வழிகளை இங்கு காணலாம். ஜிமெயில், யாஹூ மற்றும் ஹாட் மெயில் தளங்களில் உள்ள மின்னஞ்சல்களுக்கான பேக் அப் வழிகள் இங்கு தரப்படுகின்றன.

1.ஜிமெயில்: கூகுள் நமக்குத் தந்துள்ள மிகப் பெரிய சேவை அதன் இலவச ஜிமெயில் ஆகும். ஏறத்தாழ 7.5 கிகா பைட்ஸ் அளவில் ஒவ்வொருவருக்கும் இடம் தந்து, நம் மின்னஞ்சல் கணக்கை வைத்துக் கையாள வசதி செய்துள்ளது. இதற்காக, நம் குப்பை மெயில்கள் அனைத்தையும் இதில் தேக்கி வைப்பது நியாயமாகாது. தேவையற்ற வற்றை நீக்கலாம். நமக்கு முக்கியமான மெயில்களைக் குறித்து வைக்கலாம். அவற்றை பேக் அப் செய்திடலாம். அதிர்ஷ்டவசமாக, இதற்கென ஜிமெயில் பேக் அப் என்று ஒரு புரோகிராம் நமக்குக் கிடைக்கிறது.
ஜிமெயில் பேக் அப், விண்டோஸ் மற்றும் லினக்ஸ் சிஸ்டங்களில் இயங்குகிறது. இந்த புரோகிராமினைப் பயன்படுத்தி, ஒரு சில நிமிடங்களில் நம் ஜிமெயில் அக்கவுண்ட்டை பேக் அப் செய்திடலாம்.

1.1 முதலில் ஜிமெயில் பேக் அப் புரோகிராமினை http://www.gmailbackup.com/download என்ற முகவரியில் உள்ள தளத்திலிருந்து தரவிறக்கம் செய்து, இன்ஸ்டால் செய்திடவும். மிக எளிதாக இதனை மேற்கொண்டவுடன், நம் ஸ்டார்ட் மெனுவில் ஒரு ஷார்ட் கட் மற்றும் டெஸ்க்டாப்பில் ஐகானாக இந்த புரோகிராம் நமக்குக் கிடைக்கிறது.

1.2 ஜிமெயில் பேக் அப் புரோகிராமினைத் திறக்கவும். உங்கள் முழு ஜிமெயில் முகவரியினையும் பாஸ்வேர் டையும் தரவும். எந்த போல்டரில் பேக் அப் சேவ் செய்திட என்பதைத் தேர்ந்தெடுக்கவும். மாறா நிலையில் தரப்படும் ஜிமெயில் பேக் அப் போல்டரையும் வைத்துக் கொள்ளலாம்.
1.3 எந்த எந்த மின்னஞ்சல் செய்திகளை பேக் அப் செய்திட வேண்டும் எனத் தேர்ந்தெடுக்கவும். இதனைத் தேதி வாரியாகவும் தேர்ந்தெடுக்கலாம்.
1.4. அடுத்து Backup பட்டனை அழுத்தி, பேக் அப் வேலையைத் தொடங்கலாம். நீங்கள் தேர்ந்தெடுத்துள்ள அஞ்சல்களின் எண்ணிக்கைக்கேற்ப, நேரம் எடுத்துக் கொள்ளப்படும். பேக் அப் வேலை நடக்கையில், மற்ற பணிகளை நீங்கள் கம்ப்யூட்டரில் மேற்கொள்ளலாம். எவ்வளவு பேக் அப் ஆகியுள்ளது என்பதுவும் உங்களுக்குக் காட்டப்படும். மொத்தமாக அனைத்தையும் ஒரே நேரத்தில் பேக் அப் செய்திடாமல், குறிப்பிட்ட அளவில், நமக்கு வசதியான நேரத்திலும் பேக் அப் செய்திடலாம். அடுத்தடுத்து பேக் அப் செய்கையில், ஏற்கனவே பேக் அப் செய்த மெயில்களை ஜிமெயில் பேக் அப் விட்டுவிடும்.
1.5. பேக் அப் செய்த மெயில்களை, பின்னர் மீண்டும் அக்கவுண்ட்டிற்குக் கொண்டு செல்லலாம். மின்னஞ்சல் முகவரி, பாஸ்வேர்ட், பேக் அப் செய்து வைத்துள்ள போல்டர் ஆகிய தகவல்களை அளித்து மீண்டும் கொண்டு வரலாம். ஒரு அக்கவுண்ட் டிலிருந்து பேக் அப் செய்ததை, இன்னொரு அக்கவுண்ட்டிற்கும் மாற்றலாம்.
ஜிமெயில் பேக் அப் செய்து பார்த்தபோது, மிக அருமையாக இருந்தது. நம் இன்பாக்ஸ், சென்ட் போல்டர், லேபில் என அனைத்தும் பேக் அப் செய்யப்பட்டு மீண்டும் கிடைக்கின்றன.
ஜிமெயில் பேக் அப் பைல்கள் .EML என்ற பார்மட்டில் ஏற்படுத்தப்படுகின்றன. இவற்றை எந்த இமெயில் கிளையண்ட் புரோகிராமிலும் திறந்து பார்க்கலாம்.

இந்த பேக் அப்பில் ஒரே ஒரு குறை உள்ளது. ஜிமெயில் தொகுப்பில் நாம் ஏற்படுத்தும் சேட் லாக் (chat logs) பைல்கள் பேக் அப் செய்யப்படுவது இல்லை.

2.ஹாட் மெயில்: ஹாட் மெயிலுக்கென பேக் அப் புரோகிராம் எதுவும் அதன் தளத்தில் இல்லை. ஆனால், மற்றவர்கள் வடிவமைத்துக் கொடுத்துள்ள புரோகிராம்கள் இலவசமாகவே கிடைக்கின்றன. இதில் Mail Store Home என்ற புரோகிராம் மிக நன்றாகச் செயல்படுகிறது.
2.1. இந்த Mail Store Home புரோகிராமினை http://www.mailstore.com/en/mailstoreserver.aspx?keyword=awensucheallemailstore என்ற முகவரியில் உள்ள தளத்திலிருந்து தரவிறக்கம் செய்து இன்ஸ்டால் செய்திடவும்.
2.2. புரோகிராமினை இயக்கி Archive email என்பதனைத் தேர்ந்தெடுக்கவும். POP3 Mailbox என்பதனைத் தேர்ந்தெடுத்து, உங்கள் மின்னஞ்சல் முகவரியினைத் தரவும். அடுத்து கேட்கப்பட்டுள்ள இடத்தில் பாஸ்வேர்டி னையும் அமைக்கவும். ‘Access via’ ட்ராப் டவுண் மெனுவில், POP 3SSL என அமைத்து, அடுத்து நெக்ஸ்ட் பட்டனில் கிளிக் செய்திடவும்.
2.3. அடுத்து உங்கள் விருப்பத்தினைத் தர வேண்டும். பேக் அப் செய்த பின்னர், உங்கள் மெயில் தளத்தில் உள்ள மெயில்களை அழித்துவிடவா என்று கேட்கப்படும். அழிக்காமல் வைப்பதே நல்லது. இதன் பின்னர், நீங்கள் POP3 அக்கவுண்ட் ஒன்றை ஏற்படுத்த வேண்டும். இது எளிதான வேலை தான். பின்னர் உங்கள் மெயில்களை பேக் அப் செய்திடலாம். இதனை உங்கள் சிடி, டிவிடி அல்லது யு.எஸ்.பி. ட்ரைவில் கூட மேற்கொள்ளலாம். மெயில் ஸ்டோர், நீங்கள் உருவாக்கிய போல்டர்கள் உட்பட அனைத்தையும் பேக் அப் செய்கிறது. இங்கும் பல நிலைகளாக பேக் அப் செய்திடும் வழி தரப்படுகிறது.
இந்த புரோகிராம் குறித்து இன்னொன்றையும் சொல்ல வேண்டும். ஜிமெயில் பேக் அப் புரோகிராமைக் காட்டிலும் வேகமாக இது செயல்படுகிறது.

3. யாஹூ மெயில்: நீங்கள் யாஹூ இலவச மெயில் அக்கவுண்ட் வைத்திருக்கிறீர்களா? உங்களுக்கு அதனை பேக் அப் செய்திடும் வசதியை யாஹூ தரவில்லை. பி.ஓ.பி.3 மெயில் வகை வசதியினை, கட்டணம் ( ஆண்டுக்கு 20 டாலர்) பெற்றுக் கொண்டு தான் யாஹூ தருகிறது. இருப்பினும் பேக் அப் செய்திட ஒரு வழி உள்ளது.
3.1. Zimbra Desktop என்ற புரோகிராம் இதற்கு உதவுகிறது. இதனை http://www.zimbra.com/ downloads/zddownloads.html என்ற முகவரியிலிருந்து தரவிறக்கம் செய்து, இன்ஸ்டால் செய்திடவும். இதனை மேலே சொல்லப்பட்டுள்ள மூன்று மெயில் அக்கவுண்ட்களை பேக் அப் செய்திடவும் பயன்படுத்தலாம்.

3.2. Zimbra Desktop புரோகிராமைத் திறந்து கொள்ளவும். Add New Account என்பதில் கிளிக் செய்து, கிடைக்கும் மெனுவில் Yahoo என்பதனைத் தேர்ந்தெடுக்கவும். மின்னஞ்சல் முகவரி, பாஸ்வேர்ட் மற்றும் கேட்கப்பட்டுள்ள தகவல்களைத் தரவும். விரும்பினால், calendars, contacts, and group ஆகியவற்றையும் ஒருங்கிணைக்கலாம்.

3.3. Validate and Save என்பதில் கிளிக் செய்திடவும். Zimbra தன்னை யாஹூவுடன் இணைக்கும். இதற்குச் சற்று நேரம் ஆகலாம். இணைத்த பின்னர், Launch Desktop என்பதில் கிளிக் செய்திடவும். பின்னர் Preferences டேப் தேர்ந்தெடுக்கவும். இடது பக்கம் கிடைக்கும் மெனுவில், Import/Export என்பதில் கிளிக் செய்திடவும்.

3.4. ‘Export’ என்பதில், Account என்பது செக் செய்யப்பட்டிருப்பதனை உறுதி செய்திடவும். அடுத்து, Advanced Settings பாக்ஸில் செக் செய்திடவும். இங்கு எவை எல்லாம் உங்களுக்குத் தேவையில்லை என்று எண்ணுகிறீர்களோ, அவற்றிற்கு எதிரே உள்ள டிக் அடையாளத்தை எடுத்துவிடலாம். ஆனால் Mail என்ற பாக்ஸிற்கு எதிரே உள்ள கட்டத்தில் டிக் அடையாளம் கட்டாயம் இருக்க வேண்டும். இவற்றை முடித்த பின்னர், Export என்பதில் கிளிக் செய்திடவும்.
3.5. பேக் அப் பைலாக, (.TGZ) என்ற துணைப் பெயருடன் உங்களுக்கு ஒரு ஸிப் செய்யப்பட்ட பைல் கிடைக்கும். இதனை விண் ஆர்.ஏ.ஆர். மூலம் திறந்து பார்க்கலாம். உங்கள் இமெயில் மெசேஜ் அனைத்தும் .EML என்ற துணைப் பெயர் கொண்ட பைலாகக் கிடைக்கும். இவற்றை அவுட்லுக், தண்டர்பேர்ட், இடோரா போன்ற எந்த ஒரு டெஸ்க் டாப் இமெயில் புரோகிராம் மூலமும் திறந்து பார்க்கலாம்.

ஸிம்ப்ரா புரோகிராம், மேலே சொன்ன இரண்டு புரோகிராம் போல இயக்குவதற்கு எளிதானதல்ல. ஆனால் பயன் அதிகம் உள்ளது.
மேலே காட்டப்பட்டுள்ள வழிகளின்படி, உங்களின் முக்கிய மெயில் மெசேஜ் களையும், இணைப்பு பைல்களையும் பேக் அப் எடுத்து சிடி, டிவிடி, எக்ஸ்ட்ரா ஹார்ட் ட்ரைவ், ப்ளாஷ் ட்ரைவ் என ஏதாவது ஒன்றில் பேக் அப் பைலாக வைத்துக் கொள்ளவும்.

நண்பர்களே ! தாங்கள் இந்த தளத்தில் பார்வையிட்டதற்கான தடத்தை விட்டுசெல்லுங்கள் கமெண்ட்ஸ்(comments)மூலமாக!.

Read More