விண்டோஸ் ஆன்லைன் ட்ரைவ்

என்னதான் ஹார்ட் டிஸ்க்கின் விலை மிகவும் குறைவாக இருந் தாலும், நாம் அதில் பதியும் பைல்களின் அளவு அதிகரித்துக் கொண்டு தான் உள்ளது. சில நெருக்கடியான வேளைகளில் எந்த பைலை அழிப்பது, எந்த பைலை வைத்துக் கொள்வது என்று முடிவெடுக்க முடியாமல் குழப்பமடை கிறோம். இது போன்ற நேரங்களில் நமக்கு உதவிட பல ஆன்லைன் தளங்கள் உள்ளன. இங்கு சென்று நம்முடைய பைல்களை சேவ் செய்து வைக்கலாம். இப்படி பல தளங்கள் இருந்தாலும் இவற்றில் சில கட்டுப்பாடுகள் இருக்கும்.
குறிப்பிட்ட அளவிற்கு மேல் உள்ள பைல்களை அப்லோட் செய்து வைக்க முடியாது. நமக்கு ஒதுக்கப்படும் ஆன்லைன் டிரைவின் அளவு குறைவாக இருக்கும். திடீரென சில மாதங்கள் அல்லது நாட்கள் கழித்து கட்டணம் செலுத்தச் சொல்வார்கள். சில வேளைகளில் அந்த குறிப்பிட்ட சர்வரை அடைய முடியாது. சில நாட்களில் சர்வர் இல்லை என்ற செய்தியும் கிடைக்கும்.
இது போன்ற பிரச்னைகள் எதுவும் இன்றி நமக்கு இந்த வகையில் கிடைப்பதுதான் விண்டோஸ் லைவ் ஸ்கை ட்ரைவ் (Windows Live Sky Drive) வசதியாகும்.
இந்த ட்ரைவில் பைல்களை சேவ் செய்து வைக்க ஒவ்வொருவருக்கும் 25 ஜிபி இடம் தரப்படுகிறது. எனவே இதில் ஏறத்தாழ சராசரியான 1000 டாகுமெண்ட்களை சேவ் செய்திடலாம். 3,000 பாடல்களைப் பதிந்து வைக்கலாம். 10,000 போட்டோக்களை இதில் பாதுகாத்து வைக்கலாம். இதற்கு பாஸ்வேர்ட் பாதுகாப்பு உண்டு. அத்துடன் இந்த பைல்களை மற்றவர்கள் பார்ப்பதற்கும் அனுமதிக்கலாம். பிரைவேட் (Private) என வகைப்படுத்திவிட்டால் நீங்கள் மட்டுமே அதனைக் கையாள முடியும். ஷேர்டு (Shared) என ஒதுக்கினால் மற்றவர்களுடன் பைல்களைப் பகிர்ந்து கொள்ள முடியும். அனைவரும் பார்க்கலாம் என்றால் பப்ளிக் (Public) என வகைப்படுத்த வேண்டும்.
இதனைப் பெற என்ன செய்திட வேண்டும்? http://skydrive.live.com என்ற முகவரியில் உள்ள தளத்திற்குச் செல்லுங்கள். இதில் அக்கவுண்ட் ஒன்றைத் தொடங்கி, ஒரு மெம்பர் ஆக உங்களை ஆக்கிக் கொள்ளுங்கள். பின் அதில் தரப்படும் வழி நடத்தல்களின் படி சென்று பைல்களை அப்லோட் செய்திடலாம். உங்கள் பைல்கள் வைத்திடும் ட்ரைவினை, உங்கள் கம்ப்யூட்டரில் உள்ள மற்ற ஹார்ட் டிஸ்க் ட்ரைவ் பிரிவுகளில் ஒன்றாக இயக்கலாம்.
இதனால் நீங்கள் ரகசியமாக வைத்துப் பார்க்க வேண்டிய பைல்களை உங்கள் கம்ப்யூட்டரில் வைக்காமல் ஆன்லைன் ட்ரைவில் வைக்கலாம். உங்கள் அனுமதியின்றி யாரும் பார்த்துவிட முடியாது. இந்த அனைத்து வசதிகளும் இலவசம் என்பது இதன் உன்னத சிறப்பாகும்.

நண்பர்களே ! தாங்கள் இந்த தளத்தில் பார்வையிட்டதற்கான தடத்தை விட்டுசெல்லுங்கள் கமெண்ட்ஸ்(comments) மற்றும் பின்பற்றுபவர்கள்(followers) மூலமாக!.

Read More

ஹார்ட்வேர் டிப்ஸ்

1. மானிட்டரின் எல்.இ.டி. விளக்கு விட்டு விட்டு எரிகிறது: இதற்குக் காரணம் எங்கேனும் இணைப்பு விட்டுப் போய் இருக்கலாம். மானிட்டர் கேபிள், டேட்டா கேபிள், ராம் மெமரி, டிஸ்பிளே கார்ட் மற்றும் சிபியு தொடர்புகளில் பிரச்சினை இருக்கலாம். மேலே கூறிய அனைத்தையும் சரி பார்க்கவும்.
2. தொடர்ந்து மூன்று பீப் ஒலி கேட்கிறது: ராம் மெமரி சிப் தொடர்பில் கோளாறு இருக்கலாம். எனவே அவை சரியாக அதன் ஸ்லாட்டில் பொருந்தியுள்ளனவா எனப் பார்க்கவும். மற்ற பிரிவுகளைச் சோதனை செய்கையில் இவை சற்று இடம் பெயர்ந்திருக்கலாம்.
3. மூன்று பீப் - ஒன்று நீளமாக, இரண்டு குறைவாக: இந்த ஒலி கிடைத்தால் டிஸ்பிளே கார்டில் பிரச்னை. இந்த கார்டை ஒரு முறை எடுத்து திரும்ப பொருத்தவும். பிரச்னை தொடர்ந்தால் இதனை மாற்ற வேண்டியதிருக்கும்.
4. மூன்று நீளமான பீப் ஒலி, சம கால இடைவெளியில்: பயாஸ் அல்லது ராம் செட்டிங்ஸ் பிரச்னை. ராம் சிப் மற்றும் பயாஸ் செட்டிங்ஸ் செக் செய்திடவும்.
5. தொடர்ந்த பீப் ஒலி: கீ போர்டு பிரச்னை. எடுத்துக்காட்டாக உங்கள் விரல்கள் ஏதேனும் தொடர்ந்து ஒரு கீயை அழுத்திக் கொண்டிருக் கலாம்; அல்லது ஏற்கனவே அழுத்தப்பட்ட கீ, தூசி அல்லது வேறு பிரச்சினையால், மேலே எழாமல் அழுத்தப்பட்ட நிலையிலேயே இருக்கலாம்.
6. பிளாப்பி டிஸ்க் டிரைவின் எல்.இ.டி. விளக்கு தொடர்ந்து எரிகிறது: டேட்டா கேபிள் மாட்டியதில் சிக்கல் உள்ளது. கேபிள் முறுக்கப்பட்டுள்ளதா என்று பார்க்கவும்.
7. மானிட்டர் திரையில் எந்த டிஸ்பிளேயும் இல்லை: ஹார்ட் டிஸ்க் கேபிள் தவறாகப் பொருத்தப் பட்டுள்ளது. சரியாகப் பொருத்தவும். அதில் உள்ள சிகப்பு மார்க் பவர் சப்ளையைப் பார்த்து இருக்க வேண்டும்.
8. பவர் எல்.இ.டி. எரியவில்லை: மெயின் பவர் வரும் வயர் சரியாகப் பொருந்தி உள்ளதா எனப் பார்க்கவும். எஸ்.எம்.பி.எஸ். சரியாக வேலை செய்கிறதா எனச் சோதிக்கவும். மதர் போர்டுக்கான இணைப்பும் சரியாக இருக்க வேண்டும்.
9. CMOS Error என்று செய்தி வருகிறது: மதர் போர்டில் உள்ள 3 வோல்ட் பேட்டரியினை மாற்றவும். அதன் ஒரிஜினல் செட்டிங்ஸை நீங்களே கொண்டு வரவும். இதற்கு கம்ப்யூட்டருடன் தரப்பட்ட சீமாஸ் செட் அப் சார்ட் பார்க்கவும்.
10. HDD Error or Hard Disk Failure என்று செய்தி வருகிறது. பவர் தரும் கேபிள் சரியாகப் பொருத்தப்பட்டுள்ளதா என்று பார்க்கவும். ஒரு முறை எடுத்து, இணைக்கும் இடத்தில் உள்ள தூசியினை நீக்கிப் பொருத்திப் பார்க்கவும். ஹார்ட் டிஸ்க் சரியாகப் பொருத்தப்பட்டுள்ளதனை உறுதி செய்திடவும். ஹார்ட் டிஸ்க்கிற்கான டேட்டா கேபிளையும் ஒரு முறை எடுத்து, சுத்தம் செய்து மீண்டும் இணைக்கவும். சீமாஸ் செட்டிங்ஸில் ஹார்ட் டிஸ்க் பாராமீட்டர்கள் சரியாகக் கொடுக்கப்பட்டுள்ளதா எனச் சோதனை செய்திடவும். அல்லது செட்டிங் பார்ட்டிஷனை சோதனை செய்திடவும். இதற்கு எப்டிஸ்க் (FDisk) கட்டளை கொடுத்து பின் ட்ரேக் 0 ஆக பார்மட் செய்திடவும்.



நண்பர்களே ! தாங்கள் இந்த தளத்தில் பார்வையிட்டதற்கான தடத்தை விட்டுசெல்லுங்கள் கமெண்ட்ஸ்(comments) மற்றும் பின்பற்றுபவர்கள்(followers) மூலமாக!.

Read More

லேப்டாப் கம்ப்யூட்டர் வாங்கலாமா!

தமிழக அரசு பள்ளி மாணவர் களுக்கு லேப் டாப் கம்ப்யூட்டரை இலவசமாகத் தர இருக்கும் திட்டம் இன்னும் சில நாட்களில் அமல்படுத்தப்பட உள்ளது. இந்நிலையில், கல்லூரிகளில் பயிலும் மாணவர்கள் அனைவரிடமும் நாமும் ஒரு லேப்டாப் வாங்கிப் பயன்படுத்தலாமே என்ற எண்ணம் வளர்ந்து வருகிறது. பொறியியல் பட்ட வகுப்புகள் மற்றும் எம்.பி.ஏ. பிரிவுகளில் சேரும் மாணவர்கள் அனைவருக்கும் லேப் டாப் கம்ப்யூட்டர்கள் ஒரு கட்டாயத் தேவையாக மாறிவிட்ட நிலையில், அறிவியல் மற்றும் கலைப் பாடங்கள் பிரிவுகளில் பயிலும் மாணவர்களும், லேப் டாப் கம்ப்யூட்டர்களை வாங்கிப் பயன்படுத்த முனைகின்றனர்.
லேப் டாப் ஒன்றை வாங்குகையில் என்ன என்ன அம்சங்களை நாம் கவனிக்க வேண்டும் என இங்கு காணலாம்.

தேவையானவை:
1. அதிக நேரம் பயன்படக் கூடிய பேட்டரி: பள்ளியோ, கல்லூரியோ, எப்படியும் படிக்கும் மாணவர் ஒருவர் வீட்டிலிருந்து சென்று பின் திரும்ப குறைந்தது 6 மணி நேரம் ஆகலாம். வகுப்பில், ஓய்வு கிடைக்கும் போது லேப்டாப் கம்ப்யூட்டரை, பாடக் குறிப்புகள் பயன்படுத்தவும், தகவல்களைத் தேடவும் இதனைப் பயன்படுத்தலாம். எனவே 4 மணி நேரம் மட்டுமே மின் சக்தியை வழங்கும் திறன் கொண்ட பேட்டரி உள்ள லேப் டாப் கம்ப்யூட்டர்கள் ஒரு தடையாகவே இருக்கும். அதனைக் காட்டிலும் அதிகமாக மின் சக்தியைத் தாக்கிப் பிடித்து வழங்கும் பேட்டரி அமைப்பு கொண்ட லேப் டாப் கம்ப்யூட்டரைத் தேடிப் பெறவும்.
2. குறைந்த எடை: ஏற்கனவே பள்ளி மற்றும் கல்லூரிகளுக்கு நூல்களும் மற்ற தேவைகளும் கொண்டு செல்கையில், ஒவ்வொரு மாணவரும் கணிசமான எடையைத் தூக்கிச் செல்ல வேண்டும். எனவே மிகக் குறைந்த எடையுள்ள லேப் டாப் கம்ப்யூட்டரையே நாம் தேர்ந்தெடுப்பது, அதனை எப்போதும் எடுத்துச் சென்று பயன்படுத்த வழி வகுக்கும்.
3. கீ போர்டு வசதி: கற்பதற்கு ஒரு கருவியாய் லேப் டாப் மாணவர்களுக்குப் பயன்பட இருப்பதால், அதிகமாக இதில் டைப் செய்திடும் வேலை இருக்கும். மேலும் ஆன்லைன் சேட்டிங், பேஸ்புக், ட்விட்டர் என மாணவர்கள் எந்நேரமும் செல்லும் தளங்கள் இருக்கும். எனவே டைப் செய்திடும் வேலையை எளிதாக்கும் கீ போர்டு இருப்பது நல்லது.
4. அதிக திறன் கொண்ட வெப்கேமரா: இப்போது வரும் அனைத்து லேப்டாப் கம்ப்யூட்டர்களும் வெப் கேமரா இணைக்கப்பட்டே கிடைக்கின்றன. ஆனால் அனைத்தும் ஒரே வகையான திறனுடன் இருப்பதில்லை. ஆன்லைன் சேட்டிங் அல்லது குடும்பத்தினருடன் கலந்துரையாடல் என எதில் ஈடுபட்டாலும், குறைந்த ஒளியிலும் சிறப்பாக உங்களைக் காட்டும் திறனுடன் கூடிய வெப் கேமரா உள்ள லேப் டாப் கம்ப்யூட்டரைத் தேடிப் பெறவும்.
5. வாரண்டி: லேப்டாப் பார்ப்பதற்கு மென்மையானதாக இருந்தாலும், மாணவர்கள் அதனைச் சற்றுக் கடுமையாகவே கையாள்வார்கள். பைகளில் வைத்து எடுத்துச் செல்வதும், பைகளில் லேப்டாப் உள்ளது என்று அறியாமல், பைகளைக் கையாள்வதும் மாணவர்களுக்கே உரித்தான செயல்பாடு. எனவே சற்று கடினமான பாதுகாப்பு சுற்றுப் புறங்களைக் கொண்ட லேப்டாப்களை வாங்குவது நல்லது. எதனையும் சோதனை செய்து பார்க்க வேண்டும் என்ற எண்ணமும் இவர்களிடம் இருக்கும். எனவே அதிக காலம் வாரண்டி தரும் திட்டத்துடன் வரும் லேப் டாப் கம்ப்யூட்டர்கள் நமக்கு லாபமே.
6. இயக்கப் பாதுகாப்பு: கம்ப்யூட்டர்களைப் பொறுத்தவரை அதிகம் திருடப்படுவது லேப்டாப் கம்ப்யூட்டர்களே. கவனக் குறை வால் தொலைக்கப்படுவதும் அவையே. எனவே தொலைந்து போனாலும், திருடப்பட்டாலும் அவற்றைத் திரும்பப் பெற வழி கொண்ட சாப்ட்வேர் தொகுப்பு பதியப்பட்ட லேப்டாப்கள் இந்த வகையில் நமக்கு கை கொடுக்கும். அதே போல நல்லதொரு ஆண்ட்டி வைரஸ் புரோகிராம் இதில் பதியப்பட்டு அவ்வப்போது அப்டேட் செய்யப்பட வேண்டும்.

தேவையற்றவை:
1. குவாட் கோர் ப்ராசசர்: குவாட் கோர் ப்ராசசர் இயக்கம் கொண்ட லேப்டாப் நமக்கு நல்லதுதான். ஆனால் மாணவர் நிலையில் கம்ப்யூட்டர் இயக்குபவர் களுக்கு டூயல் கோர் சி.பி.யு. கொண்ட கம்ப்யூட்டரே போதும். இவை பயன்படுத்தும் மின்சக்தி குறைவு; விலையும் குறைவு. அதே நேரத்தில் மாணவர்கள் மேற்கொள்ளும் அனைத்து பணிகளுக்கும் கை கொடுக்கும்.
2. அதிக திறன் கொண்ட கிராபிக்ஸ்: நல்லதொரு கிராபிக்ஸ் சிப் எந்த கம்ப்யூட்டரிலும் ஒரு நல்ல நண்பன் தான். வீடியோ காட்சிகள் தெளிவாகக் கிடைத்திட, வேகமாக இணைய உலா செல்ல, முப்பரிமாண விளையாட்டுக் களை இயக்கி விளையாட, என இதன் பயன்களைப் பட்டியலிடலாம். ஆனால் அதே நேரத்தில் சில பாதகமான அம்சங்களும் இதில் உள்ளன. இவை இயங்கும் போது அதிக வெப்பம் உருவாகும்; பேட்டரி சக்தி விரைவில் குறையும்; சிஸ்டத்தின் எடையை அதிகரிக்கும்; பெரிதாக்கும். நிச்சயம் விலையும் அதிகரிக்கும். இவற்றைக் கருத்தில் கொண்டு கிராபிக்ஸ் கார்டைப் பெறுவது நல்லது.
3. சாலிட் ஸ்டேட் ட்ரைவ்: வழக்கமான ஹார்ட் ட்ரைவ்களைக் காட்டிலும் சாலிட் ஸ்டேட் ட்ரைவ், சற்று அதிக வேகத்தில் இயங்கக் கூடியவையே. நீண்ட நாட்கள் உழைக்கக் கூடியவை. ஆனால் இதனால் இன்றையச் சூழலில் விலை அதிகமாவதற்கு வாய்ப்புகள் அதிகம். சாலிட் ஸ்டேட் ட்ரைவ் பல வகைகளில் சிறந்தது என்றாலும், பள்ளி மற்றும் கல்லூரி மாணவர்களுக்கு இது சற்று அதிகம் தான்.
4. டச் ஸ்கிரீன்: இன்றைக்கு கம்ப்யூட்டரை எடுத்துக் கொண்டாலும், மொபைல் போனை எடுத்துக் கொண்டா லும், தொடு திரை இயக்கத்தினயே அனைவரும் நாடுகின்றனர். ஆனால் லேப்டாப்களில் இயங்கும் சாப்ட்வேர் தொகுப்புகள், இன்னும் டச் ஸ்கீரின் இயக்கத்திற்குத் தயாராகவில்லை. எனவே இதனை இன்னும் சில காலத்திற்குத் தள்ளிப் போடலாம்.

நண்பர்களே ! தாங்கள் இந்த தளத்தில் பார்வையிட்டதற்கான தடத்தை விட்டுசெல்லுங்கள் கமெண்ட்ஸ்(comments) மற்றும் பின்பற்றுபவர்கள்(followers) மூலமாக!.

Read More

திரையில் படம் போடுங்க.. படம் பிடிங்க...

கணினி உபயோகிப்பவர்களுக்கு மிகவும் உபயோகமான ஒரு மென் பொருள் PicPick.

  இதில் பலவிதமான Screen Capture மற்றும் Image Editing வசதி தரப்பட்டுள்ளது. இந்த மென்பொருளுக்கு இன்ஸ்டாலேஷன் தேவையில்லை என்பதால் நமது பென் ட்ரைவில் எடுத்துச் செல்லலாம். தரவிறக்கச் சுட்டி இறுதியில் தரப்பட்டுள்ளது.

இதனை பதிவிறக்கி ரன் செய்தவுடன் ஒரு சிறு ஐகானாக உங்கள் டாஸ்க் பாரில் அமர்ந்துகொள்ளும். இந்த ஐகானை வலது கிளிக் செய்வதன் மூலமாக இதன் பல வசதிகளை பயன்படுத்திக்கொள்ளலாம்.

Screen Capture:-
வழக்கமாக நாம் திரையில் உள்ளதை Screen Capture செய்ய கீ போர்டில் உள்ள Print Screen ஐ உபயோகித்து பிறகு ஏதாவது Image Editor மென்பொருளில் பேஸ்ட் செய்து அதில் நமக்கு தேவையான பகுதியை பிரித்தெடுப்போம்.

இந்த மென்பொருளில் இதற்காக பல வசதிகள் தரப்பட்டுள்ளன.
Full Screen
Active Window
Window Control
Region
Fixed Region
FreeHand Capture

 

இவற்றில் Window Control வசதியில், ஒரு திரையில் கொள்ளாத விவரங்களை (ஒரு பக்கத்திற்கு மேலான வேர்டு டாக்குமென்ட், வலைப்பக்கம்) பிரதி எடுக்கலாம், மேலும் Region, Freehand போன்ற வசதிகள் மிகவும் பயனுள்ளவை.

இப்படி எடுக்கப்படும் பிரதிகளை கிளிப் போர்டுக்கோ, PicPick editor க்கோ அல்லது தனி கோப்பாகவோ சேமிக்க முடியும்.

மேலும் இதில் உள்ள கலர் பிக்கர் எனும் வசதியை உபயோகித்து திரையில் உள்ள நமக்கு தேவையான நிறத்தை எடுத்து தேவையான படங்களுக்கு பயன்படுத்திக் கொள்ளலாம். இதில் உள்ள வொயிட் போர்டு வசதியில் உங்கள் திரையை ஒரு வரை பலகையாக்கி தேவையானதை வரைந்து கொள்ளலாம் (பவர்பாயின்ட் பிரசண்டேஷனுக்கு).

இதில் உள்ள க்ராஸ் ஹேர் எனும் வசதி வலை வடிவமைப்பவர்களுக்கு மிகவும் உபயோகமானதாகும், இதன் மூலம் திரையில் குறிப்பிட்ட co-ordinate களை கண்டறிய, ஒரு பகுதியின் சரியான பிக்சல் அளவுகள் தெரிந்து கொள்ளலாம்.

இனியென்ன  உங்கள் திரையில் படம் போடுங்க.. படம் பிடிங்க...

PicPick Download

நண்பர்களே ! தாங்கள் இந்த தளத்தில் பார்வையிட்டதற்கான தடத்தை விட்டுசெல்லுங்கள் கமெண்ட்ஸ்(comments) மற்றும் பின்பற்றுபவர்கள்(followers) மூலமாக!.

Read More

புளூடூத் பயன்பாடும் பாதுகாப்பும்

வயர்கள் எதுவுமில்லாமலும், தானாகவும்இணைப்பினை ஏற்படுத்திக் கொள்வதுதான்புளுடூத். நம் அன்றாட வாழ்க்கையின் பலஅம்சங்களை எளிமைப்படுத்தும் விஷயங்கள்இதில் உள்ளன.

நாம் கம்ப்யூட்டர்கள், பொழுது போக்குசாதனங்கள், டெலிபோன் ஆகியவற்றைப்பயன்படுத்தும்போது அவை தங்களுக்குள் பலவகைகளில் இணைத்துக் கொள்கின்றன. பலவிதவயர்கள், கேபிள்கள், ரேடியோ சிக்னல்கள், இன்ப்ரா ரெட் கதிர்கள் எனப் பல வகைகளில்இணைப்பு ஏற்படுத்தப்படுகிறது.


ஆனால் புளுடூத் சாதனங்களை இணைப்பதில் தனி வழி கொண்டுள்ளது. குறைந்த மின் சக்தி பயன்பாடு, ஒரே நேரத்தில் எட்டு சாதனங்களுடன் தொடர்பு, எந்த வகையிலும் ஒன்றுக்கொன்று குறுக்கிட்டு செயல் இழக்காத நிலை, இணைந்திடும் சாதனங்கள் நேராக இருந்திடத் தேவையற்ற நிலை, 32 அடி வட்டத்தில் புளுடூத் தொழில் நுட்பம் கொண்ட எந்த சாதனத்தையும் கண்டு இணையும் லாகவம் எனப் பல ப்ளஸ் பாய்ண்ட்களை அடுக்கிக் கொண்டு செல்லலாம்.

புளுடூத் இயக்கப்பட்ட சாதனங்கள் அவற்றின் எல்லைகளுக்குள் இருக்கையில் யாரும் இயக்காமலேயே ஒன்றையொன்று புரிந்து கொள்கின்றன. முகத்தை மூடிய நிலையிலும் கண்களை மட்டுமே கண்டு ரோமியோவை ஜூலியட் அடையாளம் கண்டது போல புளுடூத் உள்ள சாதனங்கள் ஒன்றையொன்று கண்டு கொள்கின்றன.

ஒரு எலக்ட்ரானிக் உரையாடல் அவற்றுக்குள் ஏற்படுகிறது. இந்த சாதனங்களைப் பயன்படுத்துபவர் எந்த பட்டனையும் இதற்கென அழுத்த வேண்டியதில்லை. இந்த எலக்ட்ரானிக் உரையாடல் இரண்டு அல்லது மூன்று சாதனங்களுக்கிடையே ஏற்பட்டவுடன் (அவை கம்ப்யூட்டர் சிஸ்டமாகவோ, மொபைல் போனாகவோ, ஹெட்செட் ஆகவோ, பிரிண்டராகவோ இருக்கலாம்) அந்த சாதனங்கள் தங்களுக்குள் ஒரு நெட்வொர்க்கினை ஏற்படுத்திக் கொள்கின்றன. இதை பெர்சனல் ஏரியா நெட்வொர்க் எனக் கூறலாம். ஆங்கிலத்தில் இந்த நெட்வொர்க்கை PAN 0r piconet என அழைக்கின்றனர். இரண்டிற்கு இடையே ஏற்படும் இந்த நெட்வொர்க் அதே அறையில் மற்ற இரண்டிற்கு இடையே ஏற்படும் நெட்வொர்க்கால் பாதிக்கப்படுவதில்லை. இணைப்பு உறுதி செய்யப்பட்ட நிலையில் இந்த இரண்டு சாதனங்களுக்கிடையே தகவல் பரிமாற்றம் ஏற்படுகிறது. இது ஒலி, போட்டோ, வீடியோ, பைல் என எதுவாகவும் இருக்கலாம்.

புளுடூத் பயன்படுத்தப்படும் சாதனங்கள்:

அன்றாட வாழ்வின் நடைமுறையை இந்த புளுடூத் இணைப்பு சந்தோஷப்படுத்துகிறது. எடுத்துக் காட்டாக புளுடூத் ஹெட்செட்கள் உங்களுடைய மொபைல் போன், ரேடியோ ஆகியவற்றுடன் வயர் எதுவுமின்றி இணைப்பு கொடுத்து செயல்பட வைக்கின்றன. மொபைல் போனில் இந்த வசதியைப் பெற A2DP (Advanced Audio Distribution Profile) என்ற தொழில் நுட்பம் இருக்க வேண்டும். ஹெட்செட்டும் அதே தொழில் நுட்பத்துடன் வடிவமைக்கப்பட்டிருக்க வேண்டும். பாடல்களை மட்டுமல்ல போனுக்கு வரும் அழைப்புகளையும் இதில் மேற்கொள்ளலாம்.

பிரிண்டர்களும் புளுடூத் தொழில் நுட்பத்தில் இயங்கும் வகையில் இப்போது வடிவமைக்கப்படுகின்றன. உங்கள் மொபைல் போனில் போட்டோ ஒன்று எடுத்த பின்னர் அதனை அச்செடுக்க பிரிண்டருடன் இணைக்க வேண்டியதில்லை. பிரிண்டரையும் மொபைல் போனையும் புளுடூத் மூலம் இணைப்பை ஏற்படுத்தினால் போதும். கார்களை ஓட்டிச் செல்கையில் நம் மொபைல் போனுக்கு அழைப்பு வந்தால் யாரிடமிருந்து அழைப்பு வருகிறது என்பதனை எடுத்துக் காட்டி போனை எடுக்காமலேயே பேசச் செய்திடும் தொழில் நுட்பம் கொண்ட சாதனங்கள் வந்துள்ளன.

உள்ளே பயணம் செய்திடும் ஐந்து நபர்களின் போன்களை இவ்வாறு இணைத்து இயக்கலாம். அதே போல மொபைல் போனில் ஜி.பி.எஸ். ரிசீவர் இருந்தால் எக்ஸ்டெர்னல் ஜி.பி.எஸ். சாதனம் ஒன்றை புளுடூத் மூலம் இணைத்து தகவல்களைப் பெறலாம். இறுதியாக கம்ப்யூட்டர் இணைப்பைக் கூறலாம். உங்களுடைய மொபைல் போனை புளுடூத் மூலம் கம்ப்யூட்டருடன் இணைத்து பைல்களை அப்டேட் செய்திடலாம். புளுடூத் வசதி கொண்ட கீ போர்டுகளும் இப்போது வந்துவிட்டன. இவற்றையும் கம்ப்யூட்டர் மற்றும் செயல்பாட்டிற்கு ஏற்ப மொபைல் போனுடனும் இணைக்கலாம்.

புளுடூத் செக்யூரிட்டி:

எந்த நெட்வொர்க் இணைப்பு ஏற்படுத்தினாலும் அங்கே பாதுகாப்பு பிரச்னை ஏற்படுகிறது. இங்கும் அதே கதை தான். உங்கள் மொபைல் போனில் புளுடூத்தை இயக்கிவிட்டு சிறிது தூரம் காரிலோ ஸ்கூட்டரிலோ செல்லுங்கள். ஏதாவது இன்னொரு புளுடூத் சாதனம் குறுக்கிட்டு இணைப்பை ஏற்படுத்தும்.

உங்கள் போன் திரையில் இது போல ஒரு சாதனம் இந்த பைலை அனுப்பவா என்று கேட்கிறது? ஏற்றுக் கொள்கிறாயா? என்ற கேள்வி இருக்கும். உடனே இணைப்பைக் கட் செய்வதே நல்லது. ஏனென்றால் இது போல வரும் பைல்களில் வைரஸ் இருக்கும். எனவே தான் இணைப்பு இருந்தாலும் பைலை ஏற்றுக் கொள்ளும் அனுமதியை நாம் தரும்படி மொபைல் போனின் புளுடூத் வடிவமைக்கப்பட்டுள்ளது. இவ்வாறு புளுடூத் மூலம் அடுத்த சாதனங்களைக் கைப்பற்றி கெடுப்பதை “bluejacking,” “bluebugging” மற்றும் Car Whisperer” என அழைக்கின்றனர். எனவே நம்பிக்கையான நபர் அல்லது மொபைல் போன் அல்லது சாதனம் என்று உறுதியாகத் தெரிந்தாலொழிய இத்தகைய இணைப்பை அனுமதிக்கக் கூடாது.
நண்பர்களே ! தாங்கள் இந்த தளத்தில் பார்வையிட்டதற்கான தடத்தை விட்டுசெல்லுங்கள் கமெண்ட்ஸ்(comments) மற்றும் பின்பற்றுபவர்கள்(followers) மூலமாக!.

Read More

My computer இல் மறைந்து போன சிடி டிரைவை மீட்பது எப்படி?

கணிணியில் நாம் தேவையான கோப்புகளை நகலெடுக்க, படம் பார்க்க போன்ற வேலைகளை செய்ய உதவியாக இருப்பது சிடி/டிவிடி டிரைவ் ஆகும். இவை இரண்டாம் நிலை சேமிப்புச் சாதனங்கள் (Secondary storage device) எனப்படும். சில நேரங்களில் சிடி டிரைவில் எதாவது ஒரு சிடியைப்போட்டு பார்த்தால் கணிணியின் My computer இல் சிடி டிரைவ் காணாமல் போயிருக்கும். நமது சிடி டிரைவ் நல்ல நிலையில் இருந்தும் நன்றாக வெளியில் வந்து உள்ளே செல்கிற நிலை இருப்பினும் அதற்குரிய டிரைவ் கணிணியில் காட்டப்படாமல் இருக்கலாம். இதை எப்படி சரி செய்வது?

1.முதலில் Device Manager இல் சிடி டிரைவ் இயல்பு நிலையில் இருக்கிறதா என்று பாருங்கள். Device manager செல்ல டெஸ்க்டாப்பில் உள்ள My computer ஐகானை வலது கிளிக் செய்து Manage மெனுவை கிளிக் செய்யவும். அதில் இடதுபக்கமுள்ள பகுதியில் Device Manager என்பதை கிளிக் செய்தால் வலது பக்கம் நமது கணிணியில் பொருத்தப்பட்டுள்ள கருவிகளின் பட்டியல் தெரியும். அதில் DVD / Cd Rom devices என்பது Enable ஆக உள்ளதா என சோதிக்கவும்.


2.உங்கள் கணிணியின் சிபியுவில் சிடி/டிவிடி டிரைவை இணைக்கும் IDE Cable சரியாக உள்ளதா எனவும் உடைந்திருக்கிறதா எனவும் சரிபார்க்கவும்.

3.மேற்கண்டவை சரியாக இருந்தும் கணிணியில் சிடி டிரைவ் தெரியவில்லை என்றால் Registry இல் ஒரு மாற்றம் செய்வதன் மூலம் காணாமல் போன சிடி டிரைவை மீட்கலாம்.

Start-> Run சென்று regedit என்று தட்டச்சிட்டு எண்டர் செய்யவும். இப்போது கணிணியின் Registry Editor திறக்கப்படும். பின்னர் கீழ் உள்ள கீயை கண்டுபிடிக்கவும். நீங்கள் தேர்வு செய்த Key சரியானது தானா என்பதை உறுதி செய்ய அதன் வலதுபக்கம் சிடி/டிவிடி டிரைவ் எனக் குறிப்பிடப்பட்டிருக்கும்.

HKEY_LOCAL_MACHINE\SYSTEM\CurrentControlSet\Control\Class\{4D36E965-E325-11CE-BFC1-08002BE10318}


இந்த கீயை கிளிக் செய்து வலது பக்கம் உள்ள பட்டியலில் UpperFilters, LowerFilters ஆகிய Subkey கள் இருந்தால் இரண்டையும் அழித்துவிடவும். அழிப்பதற்கு வலது கிளிக் செய்து Delete கொடுக்கவும். ஒரு முறை கணிணியை ரீஸ்டார்ட் செய்து விட்டு பார்க்கவும்.

நண்பர்களே ! தாங்கள் இந்த தளத்தில் பார்வையிட்டதற்கான தடத்தை விட்டுசெல்லுங்கள் கமெண்ட்ஸ்(comments) மற்றும் பின்பற்றுபவர்கள்(followers) மூலமாக!.

Read More

கிருமி பரப்பும் ATM மெசின்கள்

ATMல் பணம் எடுக்க செல்லும்போது கை உறை அணிந்து கொள்ளுங்கள் அல்லது வெளியே வந்த பிறகு உடனடியாக கையைக் கழுவுங்கள் என்கிறது அன்மைய லண்டன் ஆய்வு ஒன்று . பொதுக்கழிவறையை பயன்படுத்துவதன் மூலம் பரவும் கிருமிகளுக்கு நிகராக ATMல் இருந்தும் கிருமி தொற்ரும் வாய்ப்பு அதிகரித்து இருப்பதாக அது கூறுகிறது.


கிருமி தொற்ரும் வழிகளுக்கான உச்ச ஐந்து இடங்கள் பற்றி ஆய்வு நடத்தப்பட்டது. மக்கள் அதிகம் நடமாட்டமுள்ள பரபரப்பான பகுதிகளில் உள்ள ATM இயந்திரங்களின் தொடுதிரை மற்றும் "கீ" போர்டு ஆகியவற்றில் சோதனை நடந்தது. பொதுக்கழிவறை இருக்கைகளிருந்தும் சாம்பிள் எடுத்து சோதிக்கப்பட்டது, வயிற்றுப் போக்கு உட்பட உடல் நலனை மோசமாக பாதிக்கும் ‘பேசிலஸ்’ பாக்டீரியா கிருமிகள் இரண்டு இடங்களிலும் சம அளவாக இருப்பதாக தெரியவந்துள்ளது .

இதுபற்றி நுண்கிருமி ஆய்வு நிபுணர் ரிச்சர்ட் ஹேஸ்டிங் கூறுகையில், ‘‘பொதுக் பொதுக்கழிவறையில் தொற்றக்கூடிய பாக்டீரியாக்கள், ATM இயந்திரங்களிலும் இருப்பது ஆச்சரியம் அளித்தது. இதுவரை கிருமி தொற்றுக்கு காரணமான இடங்களில் பொதுக் கழிவறையைதான் முதலிடமாக மக்கள் கருதி வந்தனர்’’ என்றார்.

இந்த பட்டியலில் 2வது இடத்தில் பொதுத் தொலைபேசி உள்ளது , போதுத் தொலைபேசியிலிருந்தும் கிருமி தொற்றுவதாக ஆய்வில் பங்கேற்ற 3,000 பேர் கூறியுள்ளனர். இதனால், பொது தொலைபேசி பயன்படுத்தும் 10ல் ஒருவர், ரிசீவரில் காது, வாய் அருகே செல்லும் இடங்களையும், கீ பெர்ட்டையும் முதலில் துடைத்து விட்டு பயன்படுத்துவது தெரிய வந்தது. கிருமி தொற்றுப்ப் பயத்தால் இங்கிலாந்தில் 43 சதவீதத்தினர் பொது தொலைபேசி பயன்படுத்துவதில்லை. இதே பட்டியலில் பஸ் தரிப்பிடங்கள் 4வது இடத்தையும், பஸ் இருக்கைகள் 5வது இடத்தையும் பிடித்ததாக ஆய்வில் தெரியவந்துள்ளது .

நண்பர்களே ! தாங்கள் இந்த தளத்தில் பார்வையிட்டதற்கான தடத்தை விட்டுசெல்லுங்கள் கமெண்ட்ஸ்(comments) மற்றும் பின்பற்றுபவர்கள்(followers) மூலமாக!.

Read More

கூகிள் குரோம் நீட்சியின் மூலம் வலைப்பூவில் இருக்கும் படம் மற்றும் இடத்தின் அளவை துல்லியமாக நொடியில் அறியலாம்

குரோம் உலாவியில் நாம் ஒரு வலைப்பக்கத்தை பார்த்துக்கொண்டிருக்கிறோம் அத்தளத்தில் இருக்கும் ஒரு புகைப்படத்தின் அளவை தெரிந்து கொள்ள வேண்டுமானால் நாம் அந்த புகைப்படத்தை காப்பி செய்து அல்லது வேறு ஏதாவது மென்பொருள் மூலம் தான் தெரிந்து கொள்ள முடியும் ஆனால் இனி படத்தை மட்டுமல்ல படம் வலது பக்கத்தில் இருந்து எவ்வளவு தூரத்தில் இருக்கிறது  இத்தளத்தில் லோகோ size என்ன என்பது முதல் அத்தனையும் அறியலாம் நமக்கு உதவுவதற்காக ஒரு தளம் உள்ளது. இதைப்பற்றித்தான் இந்தப்பதிவு.

தற்போது அனைத்து நண்பர்களும் தங்களுக்கென்று அல்லது தங்கள் நிறுவனத்திற்கென்று சொந்தமாக வலைப்பூ உருவாக்கி கொள்கின்றனர் பல நேரங்களில் நமக்கு ஒரு தளத்தின் வடிவமைப்பு பிடித்திருக்கும் ஆனால் அதன் அளவுகளை துல்லியமாக  தெரிந்துகொள்ள நாம் போட்டோஷாப் போன்ற மென்பொருட்களைத் தான் தேடிச்சென்றிருப்போம்.ஆனால் இனி நம் குரோம் உலாவியில் இருந்து கொண்டே ஒரு வலைப்பூவில் இருக்கும் அனைத்தின் அளவையும் எளிதாக அறியலாம் நமக்கு உதவ ஒரு தளம் உள்ளது.
இணையதள முகவரி : https://chrome.google.com/webstore/detail/aonjhmdcgbgikgjapjckfkefpphjpgma#
கூகிள் குரோம் உலாவியில் நாம் இத்தளத்திற்கு சென்று Install என்ற பொத்தானை சொடுக்கி நிறுவலாம் அடுத்த சில நொடியில் குரோம் டூல்பாரில் நமக்கு (ஸ்கேல் ) படம் 1-ல் உள்ளது போல் வந்துவிடும். இனி அந்த ஸ்கேல்-ஐ சொடுக்கி எந்த ஒரு தளத்திலும் உள்ள ஒரு படத்தின் அளவு முதல் படத்திற்கு வலது பக்கம் எவ்வளவு இடைவெளி இருக்கிறது என்பது முதல் ஒவ்வொரு  பின்னோட்டத்திற்கும் எவ்வளவு இடைவெளி இருக்கிறது என்பது வரை அனைத்தும் அறியலாம். வலைப்பதிவர்களுக்கும் இணையதள வடிவமைப்பாளர்களுக்கும் கண்டிப்பாக இந்தப்பதிவு பயனுள்ளதாக இருக்கும்.


நண்பர்களே ! தாங்கள் இந்த தளத்தில் பார்வையிட்டதற்கான தடத்தை விட்டுசெல்லுங்கள் கமெண்ட்ஸ்(comments) மூலமாக!.

Read More

தினமும் 350 ரூபாய்வரை மொபைலில் இலவசமாக Recharge செய்துக் கொள்ளலாம்

தினமும் 350 ரூபாய்க்கு Recharge செய்தால் எப்படி இருக்கும்,  இது உண்மைதான் நீங்களே முயற்சி செய்துப் பாருங்கள்.  தினமும் Login செய்வதற்கு 20 பைசா கொடுக்கிறார்கள்.  நாம் நம் தளத்தில் நிறைய
விளம்பரங்களை கொடுத்து பணம் வருவதற்காக
காத்திருப்போம் ஆனால் வருமா வராதா என்று காத்துக்காத்துக் கண்கள் பூத்துவிடும்.  ஆனால் இதில் 50 ருபாய் குறைவாக சேர்ந்தாலே போதும் ரீச்சார்ஜ் செய்துக் கொள்ளலாம்.

Facebook அல்லது சொந்தமாக ப்ளாக் வைத்திருந்தால் அவர்கள் கொடுக்கும் லிங்கை இணைத்துக் கொண்டால் உங்களுக்கு Referal பணம் 20%  கிடைக்கும்.

இந்த தளத்தில் வரும் ஈமெயில் செக் செய்தால் அதற்க்கும் அவர்கள் பணம் தருகிறார்கள்.

இந்த தளத்தில் இருந்து இலவசமாக மொபைல்களுக்கு SMS 'சும் அனுப்பிக் கொள்ளலாம்.

தளத்தில் இணைவதற்கு கீழே உள்ள லிங்கில் செல்லுங்கள்.  இந்த லிங்க்ஐ  கிளிக் செய்தால் எனக்கு Referal பணம் கிடைக்கும்.  நன்றி...

http://www.amulyam.in/register.do?id=403fe201-e45d-44b4-8266-a87e94f6e20c&sid=1

நண்பர்களே ! தாங்கள் இந்த தளத்தில் பார்வையிட்டதற்கான தடத்தை விட்டுசெல்லுங்கள் கமெண்ட்ஸ்(comments) மற்றும் பின்பற்றுபவர்கள்(followers) மூலமாக!.

Read More

வேர்ட் சில ருசிகர தகவல்கள்

மைக்ரோசாப்ட் தரும் எம்.எஸ். ஆபீஸ் கூட்டுத் தொகுப்பு எப்போதும் நமக்கு உதவிடும் வகையில் பல வசதிகளைத் தருகிறது. குறிப்பாக வேர்ட் தொகுப்பு நாம் எதிர்பார்க்கும் அனைத்து வசதிகளும் ஏதாவது ஒரு வகையில் நமக்குக் கிடைக்கும்படி வடிவமைக்கப்பட்டுள்ளது. சில வேளைகளில் நாம் விரும்பாத சில பார்மட் வேலைகள், எதிர்பாராத நேரங்களில் நடைபெறும். இவற்றை இங்கு காணலாம்.
தானியங்கி பார்மட் நீக்க: வேர்ட் நாம் உருவாக்கும் டாகுமெண்ட்டில் பல வேளைகளில் நாம் விரும்பாமலே அல்லது நாமாக மேற்கொள்ளாமலே, சில மாற்றங் களை ஏற்படுத்தும். எடுத்துக்காட்டாக, இணைய தள முகவரி ஒன்றை அமைத்தால், அதனை இணையத்திற்கான ஹைப்பர் லிங்க்காக மாற்றும். அபாஸ்ட்ரபி மற்றும் மேற்கோள் குறிகளை, வளைவுகள் உள்ளதாக மாற்றும். இரண்டு ஹைபன் குறிகளை அடுத்தடுத்து அமைத்தால், அவற்றை எம் டேஷ் எனப்படும் அடையாளமாக மாற்றும். இவை நாம் விரும்பாமலே ஏற்படுத்தப்படும் சில குறிகளின் பார்மட் மாற்றங்களாகும். இவை ஏற்படாமல் இருக்க வேண்டும் என்றால், டூல்ஸ், ஆப்ஷன்ஸ் சென்று அதற்கான டேப்களைத் தேர்ந்தெடுத்து கிடைக்கும் விண்டோவில் செட் செய்திட வேண்டும். அவ்வாறு இன்றி அவ்வப்போது மாற்றங்கள் ஏற்படுத்தப்படுகையில் நாமாகவே அவற்றை நீக்க வேண்டும் என எண்ணினால் என்ன செய்யலாம்?
இதற்காகவே இருக்கிறது Undo/[Ctrl]Z கட்டளை. மாற்றம் ஏற்பட்டவுடன், இந்த கட்டளையை, மேலே தரப்பட்டுள்ள கீகளை அழுத்தி ஏற்படுத்தினால் போதும். பலர் இந்த கட்டளை நாம் மேற்கொண்ட செயல்களை மட்டுமே திருப்பித் தரும் என எண்ணுகின்றனர். அது தவறு. கம்ப்யூட்டர் இயக்கத்தில் ஏற்படுத்தப்படும் எந்த செயல்பாட்டி னையும் இந்தக் கட்டளை திருப்பித் தரும். எனவே கம்ப்யூட்டர் நாம் தரும் இணைய தள முகவரியை, ஹைப்பர் லிங்க் ஆக மாற்றியவுடன் [Ctrl]Z கொடுத்தால், அது மீண்டும் நாம் டைப் செய்தபடி அப்படியே கிடைக்கும்.
இதே போல நாம் தொடர்ந்து மூன்று ஹைபன் கோடு போட்டால், வேர்ட் அதனை படுக்கை கோடாக மாற்றும். இந்த மாற்றத்தையும் [Ctrl]Z கொடுத்து நீக்கிவிடலாம். இந்த கோட்டினை நாமாக நீக்க முடியாது. ஏனென்றால், வேர்ட் இதனை கீழாக வடிவமைக்கும் வழியில் (Bottom Format) இதனை உருவாக்கு கிறது. இந்த பார்மட்டை நாமாக நீக்க வேண்டும் எனில், Format மெனு சென்று, அதில் Borders and Shading விண்டோவில் None என்பதைத் தேர்ந்தெடுத்து ஓகே செய்து வெளியேற வேண்டும்.
ஆனால் நீங்கள் வேர்ட் ஹைபன்களை, பார்டர் கோடுகளாக அமைப்பதை நீங்கள் விரும்பினால், உங்களுக்கு நான் இன்னும் சில ருசியான விருப்பங்களைத் தருகி றேன்.
மூன்று டில்டே (~) கேரக்டர் டைப் செய்தால், அலை அலையான கோடு கிடைக்கும். மூன்று அடிக்கோடு (_) கேரக்டர் அமைத்தால், 1.5 பாய்ண்ட்டில் கோடு அமைக்கப்படும். மூன்று ஆஸ்டெரிஸ்க் (*) அமைத்தால் புள்ளி புள்ளியாகக் கோடு கிடைக்கும். மூன்று சம அடையாளம் (=) அமைத்தால் இரட்டைக் கோடு கிடைக்கும். மூன்று ஹேஷ் (#) அடையாளம் அமைத்தால் மெல்லிய மற்றும் தடிமன் என மாறி மாறி அமைந்த கோடு (“thin thick thin”) ஒன்று நீளமாகக் கிடைக்கும்.
டேபிளில் வரிசை நகர்த்த: இந்த டிப்ஸ் நீங்கள் வேர்ட் டேபிளில் அதிகம் பணியாற்றுவதாக இருந்தால் பயன்படும். டேபிளுக்கு வெளியே, டெக்ஸ்ட் நகர்த்து வதற்கும் இது பயன்படும். நீங்கள் உருவாக்கிய அட்டவணை ஒன்றில், மூன்றா வதாக இருக்கும் படுக்கை வரிசையினை மேலே முதலாவதாகக் கொண்டு வர எண்ணுகிறீர்கள். அந்த வரிசையில் கிளிக் செய்து, பின்னர் [Alt][Shift] கீகளை அழுத்திக் கொண்டு, மேல் நோக்கிய அம்புக் குறி கீயினை இருமுறை அழுத்தினால், வரிசை தானாக முதல் வரிசையாக அமர்ந்துவிடும். ஒவ்வொரு முறை அம்புக் குறி கீயினை அழுத்த, வரிசை மேல் நோக்கி நகரும். அதே போல கீழ் நோக்கியும் நகர்த்தலாம். இதே போல சிறிய அளவிலான டெக்ஸ்ட்டையும், அது டேபிளுக்கு வெளியே இருந்தாலும் நகர்த்தலாம்.
ஒரு கிளிக்-பல பைல்கள்: வேர்டில் பல பைல்களைத் திறந்து வைத்து பணியாற்றிக் கொள்ளும் சூழ்நிலை நமக்கு எப்போதும் உண்டு. இந்த பைல்களை அனைத்தையும் சேவ் செய்திட வேண்டும் என்றால், ஒவ்வொன்றாக சேவ் செய்திடலாம். இன்னொரு வழியில் இவற்றை மொத்த மாகவும் சேவ் செய்திடலாம். [Shift] அழுத்தியவாறு File மெனுவினை விரித்தால், அங்கு Save All என ஒரு கட்டளை இருப்பதைக் காணலாம். இதனை தேர்ந்தெடுத்து அழுத்த, அனைத்து பைல்களும் சேவ் ஆகும்.
இந்த வழி வேர்ட் 2007 மற்றும் வேர்ட் 2010ல் கிடைப்பதில்லை. ஆனால், நாம் விரும்பினால் Save All கட்டளையை Quick Access Toolbar இல் சேர்க்கலாம். கீழ்க் குறிப்பிட்டவாறு செயல்படவும். Office பட்டனில் கிளிக் செய்து பின்னர் Word Options தேர்ந்தெடுக்கவும். இங்கு இடது பக்கம் உள்ள பிரிவில் Customize என்பதில் கிளிக் செய்திடவும். இதன் பின் Commands தேர்ந்தெடுக்கவும். இதில் கீழாகச் சென்று Save All என்பதைத் தேர்ந்தெடுக்கவும். பின்னர் Add பட்டன், அடுத்து ஓகே கிளிக் செய்து வெளியேறவும்.

நண்பர்களே ! தாங்கள் இந்த தளத்தில் பார்வையிட்டதற்கான தடத்தை விட்டுசெல்லுங்கள் கமெண்ட்ஸ்(comments) மற்றும் பின்பற்றுபவர்கள்(followers) மூலமாக!.

Read More

விண்டோஸ் 7 சிஸ்டம் ரெஸ்டோர்

விண்டோஸ் கிராஷ் ஆகி, கம்ப்யூட்டர் பயன்பாடு முடங்கிப் போகும் போது, முந்தைய நிலைக்குக் கம்ப்யூட்டரைக் கொண்டு சென்று இயங்க வைத்திட, விண்டோஸ் சிஸ்டம் தனக்குள் கொண்டிருப்பது சிஸ்டம் ரெஸ்டோர் வசதியாகும். இதனை உருவாக்கிப் பயன்படுத்துவது குறித்து ஏற்கனவே கம்ப்யூட்டர் மலரில் பல கட்டுரைகளும், டிப்ஸ்களும் இடம் பெற்றுள்ளன.
விண்டோஸ் 7 ஆப்பரேட்டிங் சிஸ்டத்தில், இந்த சிஸ்டம் ரெஸ்டோர் இன்னும் கூடுதல் வசதிகளுடன் அமைக்கப்பட்டுள்ளது. இதனைப் பயன்படுத்துவது எளிது என்றாலும், புத்திசாலித்தனமாக இதனைப் பயன்படுத்தினால் அதிகம் பயன் கிடைக்கும். அதனை எப்படிப் பயன்படுத்துவது என இங்கு பார்க்கலாம்.
1. ஆண்ட்டி வைரஸ் தொகுப்புடன் செயல்பாடு: சிஸ்டம் ரெஸ்டோர், உங்கள் கம்ப்யூட்டரில் நிறுவப்பட்டுள்ள ஆண்ட்டி வைரஸ் தொகுப்புடன் இணைந்து செயல்படுகிறது. சிஸ்டத்தினை மீண்டும் குறிப்பிட்ட ஒரு பழைய நிலைக்குக் கொண்டு வருகையில், சிஸ்டத்தினை ஸ்கேன் செய்திட, ஆண்ட்டி வைரஸ் தொகுப் பினைத் தூண்டுகிறது. சிஸ்டம் ரெஸ்டோர் செய்யப்படுகையில், ஏதேனும் ஒரு பைல் கெடுக்கப்பட்டு இருப்பின், ஆண்ட்டி வைரஸ் அதனை அப்படியே தனியே ஒதுக்கி வைக்கிறது. ஆனால், ரெஸ்டோர் பாய்ண்ட்டில், கெடுதலுக்கு ஆளான பைல் ஒன்று இருந்து, அதனைத்தான் நாம் பயன்படுத்த வேண்டும் என்றால், ஆண்ட்டி வைரஸ் தொகுப்பைத் தற்காலிகமாக ஒதுக்கி நிறுத்தி வைத்து, நெட்வொர்க்கிலிருந்து கம்ப்யூட்டரைப் பிரித்து வைத்து, பின்னர் ரெஸ்டோர் பாய்ண்ட்டைப் பயன்படுத்த வேண்டும். ரெஸ்டோர் வேலை முடிந்த பின்னர், ஆண்ட்டி வைரஸ் கொண்டு, கெடுக்கப்பட்ட பைலைச் சரி செய்திட வேண்டும்; அல்லது நீக்க வேண்டும்.
2. ஆண்ட்டி வைரஸாக ரெஸ்டோர் பாய்ண்ட்? ரெஸ்டோர் பாய்ண்ட் ஒன்றுக்கு நாம் கம்ப்யூட்டரைப் பாதுகாப்பாகக் கொண்டு செல்வதன் மூலம், ரெஸ்டோர் பாய்ண்ட் வசதியை ஆண்ட்டி வைரஸ் புரோகிராமிற்குப் பதிலாகப் பயன்படுத்தலாம் என்று எண்ணக் கூடாது. ரெஸ்டோர் பாய்ண்ட் கொண்டிருக்கும் பழைய நிலைக்குக் கம்ப்யூட்டரைக் கொண்டு செல்வதன் மூலம், கம்ப்யூட்டரைத் தாக்கிய வைரஸிலிருந்து நாம் தப்பித்துக் கொள்ள முடியும் என்று முடிவெடுக்கக் கூடாது. வைரஸை நம்மால் இந்த வழியில் நீக்க முடியாது. சிஸ்டம் ரெஸ்டோர், யூசர் டேட்டா எதனையும் சரிப்படுத்தாது; எனவே பாதிக்கப்பட்ட பைல், சிஸ்டம் ரெஸ்டோர் செய்யப்படுவதனால் சரியாகாது. எனவே கெட்டுப்போகாத பழைய நிலைக்குக் கம்ப்யூட்டரைக் கொண்டு செல்ல முடியாது.
3. ஒன்றுக்கு மேலாக நல்ல ரெஸ்டோர் பாய்ண்ட்ஸ்: சிஸ்டம் ரெஸ்டோர் வசதி, ஒன்றுக்கு மேற்பட்ட நிலைகளை உருவாக்கி வைத்துக் கொள்ளும் வசதியைக் கொண்டுள்ளது. விண்டோஸ் சிஸ்டம் அப்டேட் செய்யப்படும் போதெல்லாம், விண்டோஸ் 7 சிஸ்டம் தானாக ரெஸ்டோர் பாய்ண்ட்டுகளை உருவாக்கிக் கொள்கிறது. இருப்பினும், நாமாக, கம்ப்யூட்டர் மிக நன்றாக, அதிகபட்ச திறனுடனும், வேகத்து டனும் செயல்படுகையில், ஒன்றுக்கும் மேற்பட்ட ரெஸ்டோர் பாய்ண்ட்டுகளை உருவாக்கி வைத்துக் கொள்ள வேண்டும். எடுத்துக்காட்டாக, நீங்களாக ஏதேனும் அப்டேட் பைலை இயக்கி, கம்ப்யூட்டர் சிஸ்டத்தில் புதிய மாற்றங்களை ஏற்படுத்த முனைவதாக இருந்தால், அல்லது புதிய புரோகிராம் ஒன்றை இன்ஸ்டால் செய்வதாக இருந்தால், அதற்கு முன் உள்ள நிலையில் ஒரு ரெஸ்டோர் பாய்ண்ட் உருவாக்கிக் கொள்வது நல்லது.
நீங்களாக, ரெஸ்டோர் பாய்ண்ட் உருவாக்க, Start அழுத்தி, Computer என்பதில் ரைட் கிளிக் செய்திடவும். பின்னர் கிடைக்கும் மெனுவில், Properties என்பதில் கிளிக் செய்திடவும். இங்கு System Protection என்பதில் கிளிக் செய்து, அதில் உள்ள Create பட்டனில் கிளிக் செய்திட வேண்டும். இங்கு உங்களிடம் பெயர் ஒன்று கேட்கப்படுகையில், அந்த ரெஸ்டோர் பாய்ண்ட்டிற்கு ஒரு பெயரினை நீங்கள் தர வேண்டும். அந்த பாய்ண்ட்டினை அடையாளம் காணும் வகையில் ஏதேனும் ஒரு பெயர் தரலாம். எடுத்துக்காட்டாக, PreService Pack 1 என்றோ, Before Tamil Business installation எனவோ தரலாம்.
4. பாதித்த பைல்களை ஸ்கேன் செய்திடுக: ரெஸ்டோர் செய்திடுகையில், சிஸ்டம் ரெஸ்டோர் டூல், பாதித்த பைல்களை ஸ்கேன் செய்வதாக செட் செய்திடவும். ஏதேனும் புரோகிராம் அல்லது ட்ரைவர் பைல் ஒன்று, பாதிக்கப்பட்டதாகக் காட்டப்படலாம். ஆனால், அவற்றைச் சரிப்படுத்தி, இழக்க நீங்கள் விரும்பாமல் இருக்கலாம். அந்நிலையில் ரெஸ்டோர் செய்வதனை நிறுத்தி, அதற்கு முந்தைய ரெஸ்டோர் பாய்ண்ட்டிற்குச் செல்லலாம்.
5. எக்ஸ்பியுடன் டூயல் பூட்டிங்: உங்கள் கம்ப்யூட்டரில் விண்டோஸ் 7 மற்றும் விண்டோஸ் எக்ஸ்பி என இரண்டு ஆப்பரேட்டிங் சிஸ்டம் பதிந்து இயக்கப்பட்டுக் கொண்டிருப்பின், சிக்கல்கள் ஏற்பட வாய்ப்பு உண்டு. விண்டோஸ் எக்ஸ்பியில் இயங்க முற்படுகையில், விண்டோஸ் 7 ரெஸ்டோர் பாய்ண்ட்ஸ் அனைத்தும் நீக்கப்பட வாய்ப்புண்டு. இதனால் இழப்பு நமக்குத்தான். இதற்கு தீர்வாக http://www.vistax64.com/attachments/tutorials/2647d1202275649systemrestorepointsstopxpdualbootdeletestop_xp.reg?ltr=S என்ற முகவரியில் உள்ள இணைய தளத்தில், மைக்ரோசாப்ட் தீர்வினைத் தருகிறது. இங்கு கிடைக்கும் பைலை டவுண்லோட் செய்து கொள்க. இந்த பைலின் மீது ரைட் கிளிக் செய்து, கிடைக்கும் மெனுவில் Mஞுணூஞ்ஞு என்பதில் கிளிக் செய்திடவும். பின்னர், இன்ஸ்டலேஷனை ஏற்படுத்த ஓகே கொடுக்கவும். இப்போது பைலில் உள்ளவை விண்டோஸ் ரெஜிஸ்ட்ரியுடன் வெற்றிகரமாக இணைக்கப்படும். இதன் மூலம், மீண்டும் விண்டோஸ் எக்ஸ்பி சிஸ்டத்தில் கம்ப்யூட்டர் இயக்கப்படுகையில், ரெஸ்டோர் பாய்ண்ட்டுகள் நீக்கப்பட மாட்டாது.
விண்டோஸ் கொண்டிருக்கும் சிஸ்டம் ரெஸ்டோர் வசதி மிகவும் பயன் தரத்தக்க ஒரு வசதியாகும். கம்ப்யூட்டரை, அது நன்றாக இயங்கிக் கொண்டிருந்த ஒரு நிலைக்குக் கொண்டு செல்வது மட்டுமின்றி, நம் பயனுள்ள நேரத்தையும் நமக்கு மிச்சப்படுத்தித் தருகிறது. மேலே சொல்லப்பட்ட டிப்ஸ், இந்த வசதியைப் பயன்படுத்துவதில் கூடுதல் நேரத்தை நமக்கு மிச்சப்படுத்துகிறது.

நண்பர்களே ! தாங்கள் இந்த தளத்தில் பார்வையிட்டதற்கான தடத்தை விட்டுசெல்லுங்கள் கமெண்ட்ஸ்(comments) மற்றும் பின்பற்றுபவர்கள்(followers) மூலமாக!.

Read More

சில புதிய வேர்ட் ஷார்ட்கட்ஸ்

Ctrl + Shift + D:தேர்ந்தெடுக்கப்பட்ட டெக்ஸ்ட் கீழாக இரு அடிக்கோடுகள் இடப்படும்.
Ctrl + ] : தேர்ந்தெடுக்கப்பட்ட டெக்ஸ்ட் ஒரு பாய்ண்ட் அதிகரிக்கப்படும்
Ctrl + [ : தேர்ந்தெடுக்கப்பட்ட டெக்ஸ்ட் ஒரு பாய்ண்ட் குறைக்கப்படும்.
Ctrl + Shift + A: தேர்ந்தெடுக்கப்பட்ட டெக்ஸ்ட் முழுவதும் கேபிடல் எழுத்துக்களாக மாற்றப்படும். மீண்டும் அதில் பயன்படுத்தினால், முந்தைய நிலைக்குக் கொண்டு வரப்படும்.
Ctrl + =: தேர்ந்தெடுக்கப்பட்ட டெக்ஸ் சப்ஸ்கிரிப்டாக மாற்றப்படும். மீண்டும் பயன்படுத்துகையில் முந்தைய நிலைக்குக் கொண்டு வரப்படும்.
Ctrl + +: தேர்ந்தெடுக்கப்பட்ட டெக்ஸ்ட் சூப்பர் ஸ்கிரிப்டாக மாற்றப்படும். மீண்டும் பயன்படுத்துகையில் முந்தைய நிலைக்குக் கொண்டு வரப்படும்.
Ctrl + Shift + Q: தேர்ந்தெடுக்கப்பட்ட டெக்ஸ்ட் சிம்பல் எழுத்து வகைக்கு மாற்றப் படும். சிம்பல் எழுத்து வகைக்கு மாற்றியதை, மீண்டும் பொதுவான ஸ்டைலில் அமைக்க Ctrl + Shift + N பயன்படுத்த வேண்டும்.
ஒரு பத்தி முழுவதையும் Heading 1 styleக்குக் கொண்டு வர Ctrl + Alt + 1 அழுத்தலாம். இப்படியே இரண்டாவது, மூன்றாவது வகை ஸ்டைலுக்குக் கொண்டு வர 2,3 (Ctrl + Alt + 2, Ctrl + Alt + 3) என மாற்றி அழுத்த வேண்டும்.
வரிகளில் புல்லட் ஸ்டைல் கொண்டு வர Ctrl + Shift + L அழுத்தவும்.

நண்பர்களே ! தாங்கள் இந்த தளத்தில் பார்வையிட்டதற்கான தடத்தை விட்டுசெல்லுங்கள் கமெண்ட்ஸ்(comments) மற்றும் பின்பற்றுபவர்கள்(followers) மூலமாக!.

Read More

பழைய பிரவுசர்களைக் கைவிடும் கூகுள்

கூகுள் தன் அப்ளிகேஷன் சாப்ட்வேர்களில், பழைய பிரவுசர்களுக்கான தொழில் நுட்ப உதவியை நிறுத்திவிடப் போவதாக அறிவிப்பு வழங்கியுள்ளது. அந்த வகையில் இன்டர்நெட் எக்ஸ்புளோரர் பதிப்பு 7, மொஸில்லா பிரவுசர் 3.5. ஆப்பிள் சபாரி 3 மற்றும் கூகுள் பிரவுசர் 9 ஆகியவற்றை கூகுள் சுட்டிக் காட்டியுள்ளது. இவை அனைத்துமே, இவற்றிற்குப் பின்னர் இரண்டு புதிய பதிப்புகளை வெளியிட் டுள்ளன. எனவே, வாடிக்கையாளர்கள் புதிய பதிப்பிற்கு மாற வேண்டும் என கூகுள் எதிர்பார்க்கிறது. கூகுள் மெயில் மற்றும் டாக்ஸ் புரோகிராம்களும், இவற்றிற்கான சப்போர்ட் தந்திடும் பணியை நிறுத்துவதாக அறிவிக்கப் பட்டுள்ளது.
எந்த ஒரு அப்ளிகேஷன் சாப்ட்வேர் தொகுப்பிற்கும், புதிய பதிப்பு ஒன்று வெளியாகும்போது, அதற்கு முந்தைய பதிப்பிற்கு முந்தைய பதிப்பிற்கான உதவியை நிறுத்துவதனை கூகுள் இனி வாடிக்கையாகக் கொள்ளும் என இந்நிறுவன பொறியியல் குழுவின் தலைவர் அறிவித்துள்ளார்.
இவ்வாறு அறிவிப்பது, கூகுள் நிறுவனத் திற்கு முதல் முறை அல்ல. ஏற்கனவே, 2010 ஆம் ஆண்டில், இன்டர்நெட் எக்ஸ்புளோரர் பதிப்பு 6க்கு தன் சப்போர்ட்டை நிறுத்தியது. கூகுள் டாக்ஸ் இனிமேல் அதனுடன் இயங்காது என அறிவித்தது. அப்போது, இன்டர்நெட் எக்ஸ்புளோரர் பதிப்பு 6 னை, 10.4% மக்கள் பயன்படுத்தி வந்தனர். இருந்த போதும் தன் கொள்கையை குகூள் அமல்படுத்தியது.
இப்போது இன்டர்நெட் எக்ஸ்புளோரர் 7க்கான சப்போர்ட்டை நிறுத்துவதாக, கூகுள் தான் முதன்முதலாக அறிவித்துள்ளது. மைக்ரோசாப்ட் இதற்கான சப்போர்ட்டை ஏப்ரல் 2014 வரை தரப்போவதாக அறிவித்தது வாசகர்களுக்கு நினைவிருக்கலாம்.
ஆனால், பழைய பிரவுசர்கள் மூலம் கூகுள் சர்ச் இஞ்சினில் நாம் இன்னும் தேடுதல் வேலையை மேற்கொள்ள முடியும்.

நண்பர்களே ! தாங்கள் இந்த தளத்தில் பார்வையிட்டதற்கான தடத்தை விட்டுசெல்லுங்கள் கமெண்ட்ஸ்(comments) மற்றும் பின்பற்றுபவர்கள்(followers) மூலமாக!.

Read More

பிரபலமான இணைய தளமா! கவனம் தேவை!!

கம்ப்யூட்டரில் இணையத்தில் தகவல்களைப் பெற்றுக் கொண்டிருக்கையில், உங்களிடம் உள்ள பிளாஷ் ப்ளேயர், குயிக் டைம் புரோகிராம், ஸ்கைப் போன்ற ஏதேனும் ஒன்றுக்கான அப்டேட் தயாராக இருப்பதாகவும், அதனை டவுண்லோட் செய்து இன்ஸ்டால் செய்து கொள்ளவும் என்று ஒரு பாப் அப் செய்தி கிடைக்கும். உடனே நாம் அதாகத்தானே செய்தி வந்துள்ளது என்று எண்ணி, உடனே அப்டேட் செய்திட இசைவு தரும் பட்டனில் கிளிக் செய்திடுவோம். இங்கு தான் நாம் மாட்டிக் கொள்கிறோம்.
இது போன்ற அறிவிப்புகளுக்குப் பின்னர், அந்த இணைய தளங்களிலிருந்து புரோகிராம்களை டவுண்லோட் செய்து பயன்படுத்த முனையும் போது கவனமாக இருக்க வேண்டும். பெரும்பாலான வைரஸ் மற்றும் பிஷ்ஷிங் புரோகிராம்கள் இந்த முறையில் தான் இறங்குகின்றன. பின் நம் கம்ப்யூட்டரை முடக்குகின்றன. பெர்சனல் தகவல்களைத் திருடி அனுப்புகின்றன. எனவே வெப்சைட்டிலிருந்து புரோகிராம்களை டவுண்லோட் செய்திடும் முன் அந்த வெப்சைட் அதிகார பூர்வமானதா என்று ஒரு முறைக்கு இரு முறை கவனிக்கவும். வைரஸ் பரப்பும் நோக்கமுடையவர்கள் பெரும்பாலும் பிரபலமான நிறுவனங்களின் பெயர்களில் மாற்றம் தெரியாத வகையில் ஒரிரு எழுத்துக்களில் மாற்றம் செய்து அல்லது அப்படியே பெயர் அமைத்து வெப்சைட்டுகளை உருவாக்கி இவற்றைப் பரப்புகின்றனர். எடுத்துக் காட்டாக குயிக் டைம் என்ற மீடியா பிளேயர் தயாரித்து வழங்கும் நிறுவனத்தின் பெயரில் ஒரு வெப்சைட் திறக்கப்பட்டுள்ளது. நாம் நம் கம்ப்யூட்டரில் குயிக் டைம் பிளேயரை வைத்திருந்தால் அது அறிந்து கொண்டு இந்த சாப்ட்வேருக்கு அப்டேட் பைல் உள்ளது; இந்த லிங்க்கில் கிளிக் செய்திடவும் என்று மெசேஜ் அனுப்புகிறது. நாம் கிளிக் செய்தால் சிறிது நேரத்தில் வைரஸ் புரோகிராமினை நம் கம்ப்யூட்டரில் பதித்துவிட்டு அப்டேட் புரோகிராமினை உங்கள் கம்ப்யூட்டரில் பதிக்க இயலவில்லை என்ற செய்தியைத் தந்துவிட்டு மறைந்துவிடுகிறது. அடுத்த முறை கம்ப்யூட்டர் இயக்கும்போது வைரஸ் உடனடியாகச் செயல்பட்டு அனைத்து நாச வேலைகளையும் மேற்கொள்கிறது. இதே போல மைக்ரோசாப்ட், விண் ஆம்ப் போன்ற தளங்களின் பெயர்களிலும் போலி வெப்சைட்டுகள் உருவாக்கப் பட்டு வைரஸ்கள் பரப்பப் படுகின்றன. எனவே இது போன்ற தளங்களில் இருந்து புரோகிராம்களை டவுண்லோட் செய்திடும் முன் அந்த தளங்களின் ஹோம் பேஜ் சென்று அவை உண்மையிலேயே அந்த நிறுவனத் தளங்கள் தானா என்று உறுதி செய்து கொண்டு பின் டவுன்லோட் செய்திட வேண்டும்.
அடுத்ததாக டவுண்லோட் செய்திடத் தொடங்கும் முன் நமக்கு அந்த புரோகிராமினை இயக்கவா அல்லது சேவ் செய்திடவா என்று ஆப்ஷன் கேட்கப்படும். அப்போது ஒரு தனி போல்டரில் இதனை சேவ் செய்திடவும். சேவ் செய்தபின் கம்ப்யூட்டரில் உள்ள ஆண்டி வைரஸ் புரோகிராம் மூலம் சோதனை செய்த பின்பே இன்ஸ்டால் செய்திடவும்.

நண்பர்களே ! தாங்கள் இந்த தளத்தில் பார்வையிட்டதற்கான தடத்தை விட்டுசெல்லுங்கள் கமெண்ட்ஸ்(comments) மற்றும் பின்பற்றுபவர்கள்(followers) மூலமாக!.

Read More

பயாஸ் (BIOS Basic Input Output System)

பயாஸ் (BIOS Basic Input Output System) : அனைத்து பெர்சனல் கம்ப்யூட் டர்களின் மதர் போர்டிலும் இணைத்து அமைக்கப்பட்ட சிறிய புரோகிராம். ஸ்கிரீன், ஹார்ட் டிஸ்க், கீ போர்டு போன்ற அடிப்படை சாதனங்களைக் கட்டுப்படுத்தி இயக்கும் புரோகிராம். ஒரு கம்ப்யூட்டருக்கு மின்சக்தி யை அளித்து இயக்குகையில் இந்த புரோகிராம் உடனே இயங்கி ஹார்ட் டிஸ்க், கீ போர்டு மற்றும் தேவயான சார்ந்த சாதனங்கள் எல்லாம் சரியான முறையில் அமைக்கப்பட்டுள்ளதா என்பதனைத் தேடிப் பார்த்து சரியான பின்னரே முழுமையாக இயக்கத்திற்கு வழி விடும். இல்லை என்றால் என்ன குறை என்பதனைத் தெரியப் படுத்தும்.

ஆஸ்பெக்ட் ரேஷியோ (Aspect Ratio): ஒரு டிவியின் அல்லது மானிட்டரின் திரையின் அகல உயர விகிதத்தை ஆஸ்பெக்ட் ரேஷியோ என்கிறோம். வழக்கமான டிவிக்களின் திரை 4:3 என்ற விகிதத்தில் அமைந்திருக்கும். அதாவது 4 பங்கு அகலம் 3 பங்கு உயரம். தற்போது வருகின்ற புதிய ஸ்கிரீன்கள் 16:9 என்ற விகிதத்தில் அமைக்கப்படுகின்றன.

ஐ.பி. அட்ரஸ் (IP Address): கம்ப்யூட்டர் நெட் வொர்க் மற்றும் இன்டர்நெட்டில் இணைக்கப்பட்டுள்ள ஒரு கம்ப்யூட்டருக்கு அடையாளம் தரும் முகவரி எண்.

நெட்வொர்க் (Network) : தகவல்களைப் பரிமாறிக் கொள் வதற்காக கம்ப்யூட்டர்களையும் சார்ந்த சாதனங்களையும் இணைத்து உருவாக்கப்படும் ஒரு வலைப்பின்னல். இது கம்பிகள் வழியாகத்தான் இருக்க வேண்டும் என்பதில்லை. வயர்லெஸ் நெட்வொர்க்குகளும் சாத்தியமே.

பூட் டிஸ்க் (Boot Disk): கம்ப்யூட்டர் ஒன்றை இயக்கத் தேவையான சிஸ்டம் பைல்களைக் கொண்ட, கம்ப்யூட்டர் ஆப்பரேட்டிங் சிஸ்டம் கொண்ட, சிடி அல்லது டிவிடி. பொதுவாக, கம்ப்யூட்டரின் ஹார்ட் டிஸ்க் தான், பூட் டிஸ்க்காக இருக்கும். இதில் பிரச்னை ஏற்படுகையில், சிஸ்டம் பைல்கள் கொண்ட பூட் டிஸ்க் மூலம் கம்ப்யூட்டரை இயக்குகிறோம். நண்பர்களே ! தாங்கள் இந்த தளத்தில் பார்வையிட்டதற்கான தடத்தை விட்டுசெல்லுங்கள் கமெண்ட்ஸ்(comments) மற்றும் பின்பற்றுபவர்கள்(followers) மூலமாக!.

Read More

விண்டோஸ் 8 - புதிய தகவல்கள்

தன் அடுத்த ஆப்பரேட்டிங் சிஸ்டம் விண்டோஸ் 8 எப்படி இருக்கப்போகிறது என மைக்ரோசாப்ட் நிறுவனம், அண்மையில் நடைபெற்ற தொழில் நுட்பக் கருத்தரங்குகளில் தெரிவித்துள்ளது. தைபே நாட்டில் இது குறித்து உரையாற்றிய மைக்ரோசாப்ட் வல்லுநர் மைக்கேல் உறுதியான சில அம்சங்கள் குறித்து கூறியுள்ளார்.
தொழில் நுட்பத்தின் அடிப்படையில் பார்க்கையில், விண்டோஸ் 8, குறைந்த மின்சக்தியில் இயங்கும் ஏ.ஆர்.எம். சிப்களில் செயல்படக்கூடியதாக அமைக்கப்பட்டுள்ளது. திரை தொட்டு இயக்கும் திறனும், எச்.டி.எம்.எல். 5 தொழில் நுட்பத்துடன் இணைந்து செயல்படும் திறனும் கொண்டதாக இது வடிவமைக்கப்பட்டுள்ளது.
மக்களுக்குப் பயன்படும் விஷயங்களில், முதலாவதாக, விண்டோஸ் 8 சிஸ்டம் இயங்க, இப்போது விண்டோஸ் 7 பயன்படுத்தும் கம்ப்யூட்டர்களை மாற்ற வேண்டிய தேவை இருக்காது. ஏற்கனவே விஸ்டா சிஸ்டம் அறிமுகப்படுத்தப்பட்ட போது, அதனை இயக்க புதிய ஹார்ட்வேர் சாதனங்களுடன் கூடிய பெர்சனல் கம்ப்யூட்டர் தேவை என்ற கட்டாயத்தினை மைக்ரோசாப்ட் முன்வைத்ததனால், விஸ்டா கம்ப்யூட்டர் பயனாளர்களிடம் சென்றடையாமல் போனது. அந்த தவற்றை மீண்டும் செய்திடாமல் இந்த முறை மைக்ரோசாப்ட் விழித்துக் கொள்கிறது. எனவே கோடிக்கணக்கான கம்ப்யூட்டர்கள், விண்டோஸ் 8 சிஸ்டத்திற்கு எளிதாக மாறிக் கொள்ளலாம். ஹார்ட்வேர் தேவைக்கென செலவு இருக்காது. புதிய கம்ப்யூட்டர் வாங்கினால் தான், விண்டோஸ் 8 பயன்படுத்த முடியும் என்ற நிலையை உருவாக்கி, புதிய சிஸ்டம் மக்களிடம் செல்லாத ஓர் சூழ்நிலையை ஏற்படுத்தக் கூடாது என மைக்ரோசாப்ட் மிகக் கவனமாக இம்முறை செயல்படுகிறது.
அடுத்ததாக, விண்டோஸ் 8 பயன்படுத்த இருக்கும் யூசர் இன்டர்பேஸ் எனப்படும் பயன்படுத்துபவருக்கும் ஆப்பரேட்டிங் சிஸ்டத்திற்கு இடையே உள்ள செயல்பாட்டை எளிதாக்கும் வழி முறை ஆகும். இதனை Immersive UI என மைக்ரோசாப்ட் அழைக்கிறது. "கவனத்தை முழுவதும் கவர்ந்த இடைமுகம்' என்பது இதன் பொருள். புதிய மற்றும் பழைய ஹார்ட்வேர் கொண்ட கம்ப்யூட்டர் அனைத்திலும் தன்னை மாற்றிக் கொண்டு இயங்கும்படி இது அமைக்கப்படுகிறது. இந்த இடைமுகம் சரிப்பட்டு வராது என எண்ணுபவர்கள், வழக்கம்போல, தற்போதைய ஏரோ வகை இடைமுகத் தினைப் பயன்படுத்தலாம்.
விண்டோஸ் 8 சிஸ்டம் தொடுதிரையில் தொட்டு இயக்கும்படியாக அமைக்கப் படுகிறது. எனவே இதன் முழுப் பயனும் தொடுதிரை உள்ள மானிட்டர்களைக் கொண்டு பெர்சனல் கம்ப்யூட்டர்களை இயக்குபவர்களுக்குக் கிடைக்கும். தொடுதிரை செயல்பாடு மட்டுமின்றி, பல வகையான சென்சார் செயலாக்கமும் இந்த ஆப்பரேட்டிங் சிஸ்டத்தில் தரப்பட்டுள்ளது. இதனால் மோஷன் செயலாக்கம், திரைக்கு அருகில் செல்லும் தூரம் ஆகியன மூலமும் சில பயன்பாடுகள் கிடைக்கும். தொடுதிரை மானிட்டர்கள் இல்லாதவர்களுக்கு வழக்கம்போல பயன் பாட்டினை மேற்கொண்டு அனுபவிக்கலாம்.
புதிய இடைமுகத்தில் பெரிய அளவில் வண்ணங்களில் ஐகான்கள் அமைக்கப் படுகின்றன. விண்டோஸ் போன் 7 ஆப்பரேட்டிங் சிஸ்டத்தில் தரப்படும் தொழில் நுட்பமும் தோற்றமும் இந்த வகையில் தரப்படுகின்றன. இருப்பினும் தற்போதைய பழக்கப்படி மவுஸ் மற்றும் கீ போர்டு மூலமும் சிஸ்டத்தினை இயக்கலாம். பேஜ் அப் மற்றும் பேஜ் டவுண் கீகள் மூலம் அப்ளிகேஷன் டைல்ஸ் இடையே செல்லலாம். ஒரு மவுஸ் கிளிக் மூலம் இவற்றை இயக்கலாம். கீ போர்டில் இப்போது போல, ஷார்ட் கட் கீகள் மூலமும் இயக்கலாம்.
இருப்பினும் சில விஷயங்களை இப்படித் தான் இருக்க வேண்டும் என மைக்ரோசாப்ட் கூறி வருகிறது. மானிட்டர் திரை விண்டோஸ் 8 சிஸ்டத்தின் முழுமையான பயன்களைப் பெற வேண்டும் என்றால், திரை 16:9 என்ற வகையில் ஆஸ்பெக்ட் ரேஷியோ கொண்டு அமைக்கப்பட வேண்டும். 1366x768 என்ற ரெசல்யூசனுக்குக் குறையாமல் திரை இருக்க வேண்டும். 1024x768 என்ற ரெசல்யூசனில் உள்ள திரைகளிலும் இந்த சிஸ்டத்தின் பயன்பாடுகள் கிடைக்கும் என்றாலும், 1366x768 என்ற வகைதான் சிறப்பான பயன்பாட்டினைத் தரும் என்று மைக்ரோசாப்ட் கூறுகிறது.
விண்டோஸ் 8 எப்போது வெளியாகும் எனச் சரியான தேதி அறிவிக்கப் படவில்லை. ஆனால் எப்படியும் 2012ல் வெளியாகும் என்பது உறுதிப்படுத்தப் பட்டுள்ளது.
எனவே விண்டோஸ் 8 ஆப்பரேட்டிங் சிஸ்டம் வரும்போது, அதனைத்தான் பயன்படுத்த வேண்டும் என விரும்பும் வாடிக்கையாளர்கள், இப்போதே மேலே கூறப்பட்ட மானிட்டர்களையும், தற்போதுள்ள ஹார்ட்வேருக்குச் சற்று கூடுதலான திறன் கொண்ட கம்ப்யூட்டர் களையும் வாங்கி வைத்துக் கொள்வது நல்லது.
நண்பர்களே ! தாங்கள் இந்த தளத்தில் பார்வையிட்டதற்கான தடத்தை விட்டுசெல்லுங்கள் கமெண்ட்ஸ்(comments) மற்றும் பின்பற்றுபவர்கள்(followers) மூலமாக!.

Read More